Спіс клубных чэмпіёнаў свету па футболе

Клубны чэмпіён свету па футболе — тытул футбольнага клуба-пераможцы ў Клубным чэмпіянаце свету па футболе пад эгідай ФІФА.^[1][2][3][4]

Міжкантынентальны кубак па футболе (англ.: Intercontinental Cup) — футбольнае спаборніцтва, якое праводзілася еўрапейскай і паўднёваамерыканскай канфедэрацыямі паміж пераможцамі галоўных клубных турніраў гэтых кантынентаў (болей развітых, чым усе астатнія ў свеце футбола): Лігі чэмпіёнаў УЕФА (раней — Кубак еўрапейскіх чэмпіёнаў) і Кубка Лібертадорэс. Міжкантынентальны кубак разыгрываўся штогод пачынаючы з 1960 года, а з 1980 года фіналы праводзіліся толькі ў Японіі.

Часам Міжкантынентальны кубак называлі клубным чэмпіянатам свету, пакуль Клубны чэмпіянат свету па футболе не пачаў праводзіцца пад эгідай ФІФА ў 2000 годзе. З 2005 года Міжкантынентальны кубак канчаткова спыніў існаванне і быў заменены Клубным чэмпіянатам свету ФІФА.

Апошнім уладальнікам Кубка быў партугальскі клуб «Порту», які перамог калумбійскі клуб «Онсэ Кальдас» у серыі пенальці ў 2004 годзе. 27 кастрычніка 2017 года ФІФА афіцыйна прызнала ўсе каманды-пераможцы Міжкантынентальнага кубка клубнымі чэмпіёнамі свету^[4][5].

Клубны чэмпіянат свету па футболе ці Клубны чэмпіянат свету ФІФА (англ.: FIFA Club World Cup, раней вядомы як англ.: FIFA Club World Championship) — спаборніцтва паміж наймацнейшымі прадстаўнікамі шасці кантынентальных канфедэрацый (хоць з 2007 года пераможца Лігі чэмпіёнаў ОФК павінен гуляць плэй-оф супраць клуба-чэмпіёна краіны-гаспадаркі турніру). Клубны чэмпіянат свету праводзіцца галоўным органам сусветнага футбола — ФІФА, турнір вызначае чэмпіёнаў свету^[6][7].

Першы розыгрыш клубнага чэмпіянату свету ФІФА (англ.: FIFA Club World Championship) адбыўся ў Бразіліі ў студзені 2000 года. Ён быў прызнаны ФІФА ў якасці правапераемніка Міжкантынентальнага кубка, які разыгрываўся штогод у Якагаме (Японія) паміж пераможцам Лігі чэмпіёнаў УЕФА і ўладальнікам Кубка Лібертадорэс. Пасля чатырохгадовага перапынку, турнір пад новай назвай (англ.: FIFA Club World Cup) зноў пачаў праводзіцца з 2005 года.

Клуб	Федэрацыя	Усяго перамог	Міжкантынентальны кубак	Клубны чэмпіянат свету па футболе	Міжкантынентальны кубак ФІФА
Рэал Мадрыд	Іспанія	9	3 (1960, 1998, 2002)	5 (2014, 2016, 2017, 2018, 2022)	1 (2024)
Мілан	Італія	4	3 (1969, 1989, 1990)	1 (2007)
Баварыя	Германія	4	2 (1976, 2001)	2 (2013, 2020)
Пеньяроль	Уругвай	3	3 (1961, 1966, 1982)
Насьяналь	Уругвай	3	3 (1971, 1980, 1988)
Бока Хуніярс	Аргенціна	3	3 (1977, 2000, 2003)
Сан-Паўлу	Бразілія	3	2 (1992, 1993)	1 (2005)
Інтэрнацыянале	Італія	3	2 (1964, 1965)	1 (2010)
Барселона	Іспанія	3		3 (2009, 2011, 2015)
Сантус	Бразілія	2	2 (1962, 1963)
Індэпенд’ентэ	Аргенціна	2	2 (1973, 1984)
Аякс	Нідэрланды	2	2 (1972, 1995)
Ювентус	Італія	2	2 (1985, 1996)
Порту	Партугалія	2	2 (1987, 2004)
Манчэстэр Юнайтэд	Англія	2	1 (1999)	1 (2008)
Карынтыянс	Бразілія	2		2 (2000, 2012)
Расінг	Аргенціна	1	1 (1967)
Эстудыянтэс	Аргенціна	1	1 (1968)
Феенорд	Нідэрланды	1	1 (1970)
Атлетыка	Іспанія	1	1 (1974)
Алімпія	Парагвай	1	1 (1979)
Фламенгу	Бразілія	1	1 (1981)
Грэміу	Бразілія	1	1 (1983)
Рывер Плэйт	Аргенціна	1	1 (1986)
Црвена Звезда	Югаславія	1	1 (1991)
Велес Сарсфілд	Аргенціна	1	1 (1994)
Барусія Дортмунд	Германія	1	1 (1997)
Інтэрнасьянал	Бразілія	1		1 (2006)
Ліверпул	Англія	1		1 (2019)
Чэлсі	Англія	1		1 (2021)
Манчэстэр Сіці	Англія	1		1 (2023)