Станіслава Вячаславаўна Умец

Станіслава Вячаславаўна Умец
Асабістыя звесткі
Дата нараджэння	1991
Месца нараджэння	Брэст, Брэсцкая вобласць, Беларусь
Грамадзянства	Беларусь
Альма-матар	факультэт журналістыкі БДУ Акадэмія кіравання пры Прэзідэнце Рэспублікі Беларусь
Месца працы	факультэт журналістыкі БДУ Мастацкая літаратура
Прафесійная дзейнасць
Род дзейнасці	рэдактар, пісьменніца
Грамадская дзейнасць
Член у	Саюз пісьменнікаў Беларусі

Станіслава Вячаславаўна Умец (нар. 1991, Брэст) — беларуская пісьменніца. Член Саюза пісьменнікаў Беларусі.

Навучалася ў СШ № 14 г. Брэста, у класе журналістыкі і гісторыі Брэсцкага абласнога ліцэя імя П. М. Машэрава. Скончыла Інстытут журналістыкі БДУ па спецыяльнасці «Літаратурнае рэдагаванне», магістратуру БДУ. Павышала кваліфікацыю ў Інстытуце дзяржаўнай службы Акадэміі кіравання пры Прэзідэнце Рэспублікі Беларусь.

З 2012 года — рэдактар у выдавецтве «Мастацкая літаратура». Адначасова выкладае дысцыпліны «Сучасныя методыкі і практыкі рэдагавання» і «Трэвэл-медыятэкст» у Інстытуце журналістыкі БДУ^[1].

• пераможца літаратурнага конкурса «Першацвет» у намінацыі «Проза» (2018).
• нацыянальная літаратурная прэмія ў намінацыі «Лепшы дэбют» за кнігу «Сэрца Сакры»(2019)^[2].

У 17 гадоў напісала свой першы раман.

Яе апавяданні і вершы надрукаваны ў зборніках выдавецтва «Мастацкая літаратура», часопісе «Нёман», газетах «Народная трыбуна», «ЛіМ», «Звязда».

• Сэрца Сакры (2018)^[3]