Станіслаў Іосіфавіч Дробыш

Станіслаў Іосіфавіч Дробыш
Дата нараджэння	17 сакавіка 1939(1939-03-17)
Месца нараджэння	Заграддзе, Казловіцкі сельсавет, Слуцкі раён, Менская вобласць, Беларуская ССР, СССР
Дата смерці	31 кастрычніка 2013(2013-10-31) (74 гады)
Альма-матар	Беларускі дзяржаўны інстытут народнай гаспадаркі імя В. У. Куйбышава (1960) Мінскі дзяржаўны музычны каледж імя М. І. Глінкі Беларуская дзяржаўная кансерваторыя імя А. В. Луначарскага (1972)
Узнагароды

Станіслаў Іосіфавіч Дробыш (17 сакавіка 1939, в. Заграддзе, Слуцкі раён, Мінская вобласць — 31 кастрычніка 2013) — беларускі харавы дырыжор, педагог. Прафесар (1994).

Скончыў Беларускі дзяржаўны інстытут народнай гаспадаркі імя В. У. Куйбышава (кваліфікацыя «Бухгалтар-эканаміст», 1960), Мінскае музычнае вучылішча імя М. І. Глінкі, Беларускую дзяржаўную кансерваторыю імя А. В. Луначарскага (спецыяльнасць «Харавое дырыжыраванне», 1972).

Працаваў у Доме культуры Мінскага аўтамабільнага завода (1961—1962), Доме культуры будаўнічага трэста № 5, Палаце культуры вытворчага будаўніча-мантажнага аб’яднання «Мінскпрамбуд» (1964—1993), Палаце культуры прафсаюзаў (1993—1998), Беларускім дзяржаўным універсітэце культуры і мастацтваў (з 1977, факультэт музычнага мастацтва, кафедра беларускай народнапесеннай творчасці, з 1981 — загадчык кафедры, адначасова з 1979 — мастацкі кіраўнік вакальна-харэаграфічнага ансамбля «Валачобнікі»).

Навуковыя інтарэсы: тэорыя і методыка работы з народным хорам; развіццё навыкаў народнапесеннага выканальніцтва; стылявыя асаблівасці народнага харавога выканальніцтва і яго мясцовых традыцый.

• Заслужаны работнік культуры Беларускай ССР (1975).

• Дробыш Станіслаў Іосіфавіч / А. Ш. Раецкі // Беларуская энцыклапедыя : у 18 т. — Мінск, 1998. — Т. 6. — С. 208.
• Дробыш Станіслаў Іосіфавіч / А. Ш. Раецкі // Энцыклапедыя літаратуры і мастацтва Беларусі : у 5 т. — Мінск, 1958. — Т. 2. — С. 359.
• Дробыш Станіслаў Іосіфавіч / Г. Дз. Маторная // Беларускі фальклор : энцыклапедыя : [у 2 т.]. — Мінск, 2005. — [Т.] 1. — С. 437.
• Дробыш Станислав Иосифович // Республика Беларусь : энциклопедия : [в 7 т.]. — Минск, 2006. — Т. 3. — С. 440.
• Дробыш Станислав Иосифович // Регионы Беларуси : энциклопедия : в 7 т. — Минск, 2016. — Т. 5 : Минская область : 3 кн., кн. 1. — С. 330.
• Чалавек у мастацтве : Станіслаў Іосіфавіч Дробыш // Веснік Беларускага дзяржаўнага ўніверсітэта культуры і мастацтваў. — 2013. — № 2. — С. 142—145.