Страуснік

Страуснік
Страуснік усходні (Matteuccia orientalis)
Навуковая класіфікацыя
Дамен:  Эўкарыёты Царства:  Расліны Аддзел:  Папарацепадобныя Клас:  Папараці Парадак:  Мнаганожкі Сямейства:  Анаклеевыя Род:  Страуснік
Міжнародная навуковая назва
Matteuccia Tod. (1866), nom. cons.
Сінонімы
Pteretis Raf., nom. rej. Pterilis Raf. Pterinodes Siegesb. ex Kuntze Riediea Mirb. Struthiopteris Willd., nom. illeg.
Тыпавы від
Matteuccia struthiopteris (L.) Tod. — Страуснік звычайны[1]
Сістэматыка на Віківідах Выявы на Вікісховішчы ITIS   17595 NCBI   3276 EOL   72930 IPNI   331114-2

Стра́уснік^[2], Папараць^[3], Страусапёр^[2] (Matteuccia) — род папарацей сямейства Анаклеевыя (Onocleaceae). 3 віды. Пашыраны ва ўмераным поясе Паўночнага паўшар’я. На тэрыторыі Беларусі 1 від — страуснік звычайны (Matteuccia struthiopteris). Трапляецца ў вільготных лясах, уздоўж балот і ручаёў.

Травяністыя расліны вышынёй 60—100 см, з тоўстым кароткім карэнішчам і з рэшткамі лісцевых чаранкоў на ім. Вегетатыўнае лісце зялёнае, з перыстассечанымі сегментамі, даўжынёй да 1,7 м. Спараноснае лісце доўгачарнаковае, з вузкімі сегментамі, нагадвае страусавае пяро, адсюль назва. Спарангіі ўкрыты пакрывальчыкам. Гаметафіт маленькі, зялёны, двухполы.

Маладое лісце ядомае. Лекавыя і дэкаратыўныя расліны.

• Скуратовіч А. М. Стра́уснік, страусапёр // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 202. — 10 000 экз. — ISBN 985-11-0035-8. — ISBN 985-11-0251-2 (т. 15).
• Фомин А. В. Род 5. Страусопер — Struthiopteris Haller // Флора СССР. В 30-ти томах / Главный редактор акад. В. Л. Комаров; Редактор тома М. М. Ильин. — М.—Л.: Издательство Академии Наук СССР, 1934. — Т. I. — С. 29. — 302 + XVI с. — 5 000 экз.

• Страусник — род Matteuccia: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Matteuccia (Страусник) у базе біяразнастайнасці на сайце інфармацыйна-аналітычнай сістэмы «ООПТ России». (руск.)