Сяргей Аляксандравіч Жыгалка

Сяргей Аляксандравіч Жыгалка
Сяргей Аляксандравіч Жыгалка
Краіны:	Беларусь
Дата нараджэння:	28 сакавіка 1989 (36 гадоў)
Месца нараджэння:	Мінск, БССР, СССР;
Званне:	Гросмайстар (2007) ; Міжнародны майстар (2004)
Максімальны рэйтынг:	2696 (верасень 2011)
Актуальны рэйтынг:	2 572 (сакавік 2021)
	Асабістая картка [1] на сайце ФІДЭ
	Медыяфайлы на Вікісховішчы

Сяргей Жыгалка (нар. 28 сакавіка 1989 года, Мінск) — беларускі шахматыст, гросмайстар (2007). Трохразовы чэмпіён Беларусі, чэмпіён Еўропы і свету ў сваёй узроставай катэгорыі.

Кар’ера

Сяргей Жыгалка перамагаў на чэмпіянаце Еўропы і чэмпіянаце свету да 14 гадоў 2003 года, а таксама на чэмпіянаце Еўропы да 18 гадоў 2006 года.

У 2007 годзе ўпершыню выступіў на кубку свету ФІДЭ, дзе выбыў у першым туры. У 2009 годзе на тайбрэйку саступіў першае месца маладзёжнага чэмпіяна свету Максіму Ваш’е-Ляграву^[2].

Чэмпіён Беларусі 2009, 2012 і 2013 гадоў^[3]^[4].

У 2011 годзе заняў 5-е месца на чэмпіянаце Еўропы і заваяваў права ўдзелу ў кубку свету, дзе саступіў у першым коле Антону Філіпаву. У 2011 і 2012 гадах перамог на Адкрытым чэмпіянаце Баку^[5].

На кубку свету-2015 дайшоў да другога кола, дзе саступіў Весяліну Тапалаву. Праз два гады ў першым коле прайграў Юрыю Кузубаву, пазней стаў чэмпіёнам Еўропы па бліцы ў Катавіцах^[6].