Сяргей Барысавіч Журавель

Сяргей Барысавіч Журавель
Дата нараджэння	1 чэрвеня 1954(1954-06-01)
Месца нараджэння	Мінск, Беларуская ССР, СССР
Дата смерці	14 жніўня 2015(2015-08-14) (61 год)
Месца смерці	Мінск, Беларусь
Месца пахавання	Усходнія могілкі
Адукацыя	тэатральны факультэт Беларускага дзяржаўнага тэатральнага інстытута (1976)
Прафесія	акцёр
Тэатр	Беларускі дзяржаўны акадэмічны тэатр юнага гледача Беларускі дзяржаўны маладзёжны тэатр Нацыянальны акадэмічны тэатр імя Янкі Купалы
Прэміі	Прэмія Ленінскага камсамола Беларусі
Узнагароды	Прэмія імя І. Буйніцкага (1999)
IMDb	ID 1168627

Сярге́й Бары́савіч Жураве́ль (1 чэрвеня 1954, Мінск — 14 жніўня 2015^[1], Мінск) — беларускі акцёр. Народны артыст Беларусі (2011). Лаўрэат прэміі імя Ігната Буйніцкага (1999)^[2].

Скончыў тэатральны факультэт Беларускага тэатральна-мастацкага інстытута (1976) па спецыяльнасці «Акцёр драматычнага тэатра і кіно» (курс А. І. Бутакова). Працаваў у Беларускім рэспубліканскім тэатры юнага гледача (1976—1985) і Беларускім дзяржаўным моладзевым тэатры (1985—2009). З 2009 года ў складзе трупы Купалаўскага тэатра.

Быў мастацкім кіраўніком тэатральнага праекта «Нікаля-тэатр», мастацкім кіраўніком «Альфа радыё» (Мінск), вядучым дакументальнага серыяла «Лёс чалавека» на тэлеканале «Лад». Здымаўся ў фільмах і серыялах: «Батанічны сад», «Зорка Венера», «Каменская», «Гатэль „Выкананне жаданняў“», «Неба і зямля», «Вар’яцкае каханне».

Памёр 14 жніўня 2015 года. Пахаваны на Усходніх могілках.

Мастацтву Жураўля ўласцівы экспрэсіўнасць, абаяльнасць, унутраны такт, адчуванне драматычнага вобраза ў кожнай ролі. Сярод роляў: Бэмбі («Бэмбі^[ru]» Ф. Зальтэна), Марк («Арт» Я. Рэзы), Тарцюф («Тарцюф^[ru]» Мальера), П’ер Брашан («Вячэра з прыдуркам» Ф. Вебера) і інш^[3].

Здымаецца ў кіно («Я не самотны… Максім Багдановіч», «Неба і зямля», «Уланская балада» і інш.)^[3].

• Дастыш фантастыш (2009)
• Масакра (2010)
• Немец (2011)
• Кіндэр-Вілейскі прывід (2014)

• Прэмія Ленінскага камсамола Беларусі (1980)^[3].
• Народны артыст Беларусі (2011)^[4].
• Прэмія імя І. Буйніцкага (1999)

• Д. М. Гіргель. Журавель Сяргей Барысавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
• Журавель Сяргей Барысавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).