Сінькі (Смаргонскі раён)

Аграгарадок Сінькі Краіна Беларусь Вобласць Гродзенская Раён Смаргонскі Сельсавет Сінькоўскі Каардынаты 54°21′40″ пн. ш. 26°27′26″ у. д.HGЯO Вышыня цэнтра 180—200 м Насельніцтва 319 чалавек (2004) Часавы пояс UTC+3 Тэлефонны код +375 1592 Паштовы індэкс 231011 Аўтамабільны код 4 Сінькі на карце Беларусі ±

Сінькі на Вікісховішчы

Сінькі́^[1] (трансліт.: Sińki, руск.: Синьки) — аграгарадок у Смаргонскім раёне Гродзенскай вобласці Беларусі. Адміністрацыйны цэнтр Сінькоўскага сельсавета.

Размешчаны за 12 км на паўднёвы ўсход (за 17 км на поўдзень^[2]) ад горада Смаргонь, за 250 км ад Гродна^[2], за 90 км паўночны захад ад Мінска, за 13 км ад чыгуначнай станцыі Залессе^[2], на рацэ Драй.

У сярэдзіне XIX — пачатку XX стагоддзяў сядзіба з вёскай у Беніцкай воласці Ашмянскага павета Віленскай губерні, уласнасць Антушэвічаў. Паводле інвентара 1864 года ў вёсцы 40 жыхароў. У 1889 годзе 11 двароў, 75 жыхароў (усе праваслаўнага веравызнання). У 1901 годзе адкрыта школа царкоўнай граматы. З 16 ліпеня 1954 года цэнтр сельсавета.

Па стане на 1 студзеня 2004 года 134 двары, 319 жыхароў.

• 1864 — 40 жыхароў.
• 1889 — 11 двароў, 75 жыхароў.
• 2001 — 138 двароў, 341 жыхар^[2].
• 2003 — 134 двары, 319 жыхароў.

У вёсцы функцыянуюць: фельчарска-акушэрскі пункт, дзіцячы сад, сярэдняя школа, дом культуры, бібліятэка, аддзяленне сувязі, крама.

• Помнік землякам, якія загінулі ў Вялікую Айчынную вайну^[2].

• Сінькі // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 407. — 10 000 экз. — ISBN 985-11-0035-8. — ISBN 985-11-0238-5 (т. 14).
• Дулеба Г. І. З гісторыі населеных пунктаў // Памяць: Гісторыка-дакументальная хроніка Смаргонскага раёна : Рэд. кал.: Г. П. Пашкоў (гал. рэд.) і інш. — Мінск: БелЭн, 2004.

• На Вікісховішчы ёсць медыяфайлы па тэме Сінькі (Смаргонскі раён)