Талькаўская аперацыя

Талькаўская аперацыя
Асноўны канфлікт: Вялікая Айчынная вайна
Талькаўская аперацыя
Дата	9 кастрычніка 1942 года
Месца	Талька
Вынік	перамога партызан
Праціўнікі
гарнізон аховы моста партызанскі атрад «Полымя», партызанскі атрад імя І. В. Сталіна
Камандуючыя
невядома Я. Ф. Філіпскіх, У. А. Ціхаміраў
Сілы бакоў
каля 40 чалавек 140 чалавек

Та́лькаўская апера́цыя^[1][2] — аперацыя партызан па падрыве чыгуначнага моста цераз раку Талька каля станцыі Талька ў Пухавіцкім раёне Мінскай вобласці Беларусі ў Вялікую Айчынную вайну.

Аперацыю праводзілі 9 кастрычніка 1942 года 140 партызан атрада «Полымя» (камандзір Я. Ф. Філіпскіх) і атрада імя І. В. Сталіна (камандзір У. А. Ціхаміраў) з дапамогай падпольшчыкаў станцыі Талька.

Гарнізон аховы моста налічваў каля 40 чалавек, меў 4 дзоты, гармату, 2 станковыя і 4 ручныя кулямёты^[1]. Гарнізон на станцыі Талька налічваў каля 300 чалавек^[1]. Увечары 8 кастрычніка партызаны перакрылі шляхі падыходу падмацаванняў праціўніка да моста, замініравалі чыгуначныя пуці і адначасова напалі на ахову моста і чыгуначнай станцыі. Мост быў падарваны і былі пушчаны пад адхон 2 чыгуначныя саставы на ўчастках чыгункі на Блужу і Вярэйцы^[2]. Пасля аперацыі партызаны забралі трафеі і арганізавана адышлі.

У выніку здзейсненай аперацыі рух паяздоў па чыгунцы быў спынены на 12 сутак^[1].

• Та́лькаўская апера́цыя 1942 // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 409—410. — 10 000 экз. — ISBN 985-11-0035-8. — ISBN 985-11-0251-2 (т. 15).
• Та́лькаўская апера́цыя 1942 // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 498. — 10 000 экз. — ISBN 985-11-0214-8.
• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.