Тангенцыяльнае паскарэнне

Тангенцыя́льнае паскарэ́нне^[1], датычнае паскарэнне^[1] — праекцыя паскарэння матэрыяльнага пункта на напрамак датычнай да траекторыі яе руху.

Тангенцыяльнае паскарэнне вызначае хуткасць змены велічыні хуткасці руху матэрыяльнага пункта. Яго велічыня вызначаецца як

${\displaystyle a_{\tau }={\frac {dv}{dt}}}$

У вектарнай форме

${\displaystyle \mathbf {a} _{\tau }={\frac {dv}{dt}}{\hat {\tau }}}$

дзе ${\displaystyle {\hat {\tau }}}$ — орт датычнай да траекторыі.

Пры прамалінейным руху тангенцыяльнае паскарэнне цела роўнае да яго агульнага паскарэння (бо нармальнае паскарэнне роўнае да нуля).

У выпадку, калі цела рухаецца раўнамерна, яго тангенцыяльнае паскарэнне роўнае да нуля.

• Тангенцыя́льнае паскарэ́нне, датычнае паскарэнне // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 417. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тангенциа́льное ускоре́ние, касательное ускорение // Т. 25. Струнино — Тихорецк. — М. : Советская энциклопедия, 1976. — С. 253. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)