Уладзілен Рыгоравіч Сямёнаў

Уладзілен Рыгоравіч Сямёнаў
Уладзілен Рыгоравіч Сямёнаў
Дата нараджэння	12 лістапада 1932 (92 гады)
Месца нараджэння	Самара, Сярэдняволжскі край[d], РСФСР, СССР;
Грамадзянства	СССР; Расія;
Жонка	Ірына Аляксандраўна Калпакова[d]
Адукацыя	Ленінградскае харэаграфічнае вучылішча імя А. Я. Ваганавай (1950);
Прафесія	артыст балета, балетны педагог
Тэатр	Акадэмія рускага балета імя А. Я. Ваганавай; Амерыканскі тэатр балета[d]; Марыінскі тэатр;
Узнагароды	;

Уладзілен Рыгоравіч Сямёнаў^[1] (руск.: Владилен Григорьевич Семёнов; нар. 12 лістапада 1932) — савецкі і расійскі артыст балета, балетны педагог, народны артыст СССР (1983).

Біяграфія

Нарадзіўся ў горадзе Самара. У 1950 годзе скончыў Ленінградскае харэаграфічнае вучылішча (балетны клас Уладзіміра Панамарова). У 1952—1972 гадах саліст балетнай трупы Ленінградскага дзяржаўнага акадэмічнага тэатра оперы і балета імя С. М. Кірава, з 1970 года — балетмайстар-рэпетытар і педагог, у 1970—1972 гадах старшыня мастацкай калегіі балета тэатра. З 1962 года каля 30 гадоў выкладаў класічны танец у Ленінградскім харэаграфічным вучылішчы^[2].

У 1998 годзе Уладзілен Сямёнаў з жонкай Ірынай Калпаковай з’ехалі ў ЗША, дзе займаюцца выкладчыцкай дзейнасцю, працавалі педагогамі-рэпетытарамі ў Інтэрнацыянальным балетным тэатры Індыянапаліса^[3]. З сярэдзіны 1990-х гадоў выкладаюць ў трупе Амерыканскага тэатра балета (Нью-Ёрк, ЗША)^[2]. Таксама шмат выкладаюць і рэпетыруюць па запрашэннях у розных школах і балетных кампаніях ЗША і іншых краін^[3].

Творчасць

Лірычны танцоўшчык з лёгкім скачком і бездакорным аздабленнем танца, майстар падтрымкі. Танец Уладзілена Сямёнава акадэмічны, манера элегантная, высакародная. У эмацыйнай стрыманасці шукаў сучасную танальнасць выканальніцтва.

Дэбютаваў партыяй Юнака ў балеце «Шапэніяна» Ф. Шапэна^[3]. Сярод іншых партый Уладзілена Сямёнава: Зігфрыд, Дэзірэ, Прынц («Лебядзінае возера», «Спячая прыгажуня», «Шчаўкунок» П. І. Чайкоўскага); Жан дэ Брыен («Раймонда» А. Глазунова); Яўген («Медны коннік» Р. Гліэра; Прынц («Папялушка» С. С. Пракоф’ева); Вацлаў, Акцёр («Бахчысарайскі фантан», «Полымя Парыжа» Б. Астаф’ева); Арбенін («Маскарад» Л. А. Лапутіна) і іншыя.

Зняўся ў тэлефільме-канцэрце «Танчыць Ірына Калпакова» (1976)^[3], фільме-спектаклі «Шапэніяна» (1958).

Узнагароды і званні

Зноскі

↑ БелЭн 2002.
↑ ^а ^б Семенов, Владилен Григорьевич (руск.) // ТАСС
↑ ^а ^б ^в ^г Владилен Семёнов // КИНО-ТЕАТР.ру (руск.)

Літаратура

Сямёнаў Уладзілен Рыгоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 346. — 10 000 экз. — ISBN 985-11-0035-8. — ISBN 985-11-0251-2 (т. 15).
Семенов Владлен Григорьевич // Деген А. Б., Ступников И. В. Ленинградский балет. 1917—1987: Словарь-справочник. — Л.: Советский композитор, 1988. — С. 174—175. — 264 с., ил., 2,5 л. ил. — 13 000 экз. (руск.)
Семёнов Владилен Григорьевич // Балет: энциклопедия / Гл. ред. Ю. Н. Григорович. — М.: Советская энциклопедия, 1981. — С. 457. — 623 с. — 100 000 экз. (руск.)