Уладзімір Аляксандравіч Дамарад

Уладзімір Аляксандравіч Дамара́д (1 снежня 1919, г. Бабруйск — 2 лютага 2005) — беларускі графік.

Нарадзіўся 1 снежня 1919 года ў Бабруйску. Скончыў у 1939 годзе Віцебскае мастацкае вучылішча. Працаваў пераважна ў акварэлі. Сярод твораў: «Карпаты», «Снег выпаў» (абодва 1960), «Замаразкі» (1965), «Пасля рыбалкі», «Цішыня» (абодва 1966), «Бабруйская прыстань» (1973), «Хлеб партызанам» (1974), серыя «Стары Бабруйск» (1968), «Дарога да мора» (1983), эстамп «Ішлі ў партызаны» (1970), лінагравюра «Свяшчэнныя магілы» (1967), малюнкі і інш. Сярод работ 1980—1990-х гг.: «Бярэзіна ў красавіку», «Восень у Яловіцах», «Вялікая вада», «Раніца на Бярэзіне» і інш^[1].

Член Беларускага саюза мастакоў з 1966 года.

Памёр 2 лютага 2005 года^[1].

У 2005 імя Дамарада прысвоена дзіцячай мастацкай школе ў г. Бабруйск^[1].

Бацька беларускага мастака-манументаліста Сямёна Дамарада (нар. 1948).

• Дамарад Уладзімір Аляксандравіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.