Уладзімір Антонавіч Багіна

Уладзімір Антонавіч Багіна
Уладзімір Антонавіч Багіна
Дата нараджэння	4 лістапада 1934 (90 гадоў)
Месца нараджэння	Карнюткі, гміна Гарадок[d], Маладзечанскі павет, Віленскае ваяводства, Польская Рэспубліка;
Род дзейнасці	геолаг
Месца працы	Белгеалогія; Беларускі навукова-даследчы геолагаразведачны інстытут;
Навуковая ступень	кандыдат геолага-мінералагічных навук
Навуковае званне	член-карэспандэнт Беларускай інжынернай акадэміі;
Альма-матар	геаграфічны факультэт БДУ;
Партыя	КПСС;
Прэміі

Уладзімір Антонавіч Багі́на^[1] (4 лістапада 1934) — беларускі геолаг. Кандыдат геолага-мінералагічных навук, лаўрэат Дзяржаўнай прэміі БССР (1978), член-карэспандэнт Беларускай інжынернай акадэміі.

Біяграфія

Нарадзіўся ў вёсцы Карнюткі (зараз у Валожынскім раёне Мінскай вобласці Беларусі). Пасля заканчэння ў 1958 годзе геаграфічнага факультэта Беларускага дзяржаўнага ўніверсітэта накіраваны на працу на Палессе, у Беларускую кантору разведачнага свідравання, дзе прайшоў шлях ад калектара да старшага геолага ўчастка свідравання і тэматычнай партыі. Пасля адкрыцця першага ў Беларусі Рэчыцкага радовішча нафты (1964) і арганізацыі трэста «Белнафтагазразведка» быў прызначаны галоўным геолагам Рэчыцкай нафтаразведачнай экспедыцыі глыбокага свідравання. З 1969 года стаў начальнікам аддзела нафты і газу, з 1973 года намеснікам начальніка Упраўлення геалогіі пры Савеце Міністраў БССР, пераўтворанага пазней у РУП «Белгеалогія». З 1998 года — загадчык лабараторыі нафтагазаноснасці БелНДГРІ.

Навуковая дзейнасць

Навуковыя працы па нафтавай геалогіі і тэктоніцы Прыпяцкага прагіну^[1]. Пры непасрэдным удзеле У. А. Багіны былі адкрыты і разведаны першыя, а затым шэраг іншых радовішчаў нафты ў Беларусі. Удзельнічаў у арганізацыі пошукаў і разведкі нафты, якія праводзіла аб’яднанне «Беларусьгеалогія» ў Заходняй Сібіры.

Сааўтар патэнтаў^[2].

Зноскі

↑ ^а ^б ЭПБ 1983.
↑ База патентов РФ на изобретения и промышленные образцы (руск.) (Праверана 30 чэрвеня 2023)

Літаратура

Уладзімір Антонавіч Багіна (Да 75-годдзя з дня нараджэння) // Літасфера. № 1 (32). 2010.
Багіна Уладзімір Антонавіч // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 209. — 575 с., іл. — 10 000 экз.