Уладзімір Барысавіч Гераўкер

Уладзімір Барысавіч Гераўкер (25 лістапада 1947 — 6 лістапада 2009) — беларускі дызайнер, мастак-канструктар.

Нарадзіўся ў горадзе Мінску. Брат беларускага архітэктара Георгія Гераўкера.

У 1963 годзе скончыў 8 класаў 42 сярэдняй школы Мінска і паступіў ан архітэктурнае аддзяленне Мінскага архітэктурна-будаўнічага тэхнікума. Скончыў яго ў 1967 годзе і быў накіраваны на працу ў інстытут «Белдзяржпраект».

• З 1967—1969 служыў у Савецкай арміі.
• У 1969 годзе быў прыняты на працу ў інстытут «Белкамунпраект» на пасаду архітэктара архітэктурна-будаўнічага аддзела.
• У 1970 годзе паступіў у Беларускі дзяржаўны тэатральна-мастацкі інстытут на аддзяленне «Інтэр’ер і абсталяванне»
• З 1975 года працаваў у НВА «Мінскпраектмэбля» мастаком-канструктарам МКА мэблі.

Праектаваў ці прымаў удзел у стварэнні мэблі і абсталявання для шматлікіх значных аб’ектаў краіны, такіх як гасцініцы «Планета», «Сталіца», «Еўропа», Палац моладзі, Палац Рэспублікі, Нацыянальная бібліятэка, Мірскі замак.

Праекты жылой мэблі Гераўкера атрымлівалі залатыя і срэбныя ўзнагароды на ўсесаюзных і рэспубліканскіх конкурсах і выставах.

• http://www.kimpress.by/index.phtml?page=2&DomainName=mast&id=825&mode=print Архівавана 5 сакавіка 2022.
• http://kimpress.by/index.phtml?page=2&id=2740 Архівавана 13 кастрычніка 2022.
• https://e-catalog.nlb.by/Search/Results?