Уладзімір Рыгоравіч Падабед

Уладзімір Рыгоравіч Падабед (нар. 11 лютага 1975, г. Чэрыкаў, Магілёўская вобласць) — беларускі службовец, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Нарадзіўся 11 лютага 1975 года ў г. Чэрыкаве Магілёўскай вобласці^[1].

Скончыў Магілёўскі машынабудаўнічы інстытут па спецыяльнасці «Электрапрывад і аўтаматызацыя прамысловых установак і тэхналагічных комплексаў»; Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве прамысловасці»; установу адукацыі Федэрацыі прафсаюзаў Беларусі "Міжнародны ўніверсітэт «МІПСА» па спецыяльнасці «Сацыяльнае партнёрства і права»^[1].

Працаваў энергетыкам, намеснікам энергамеханічнай службы рамонтна-механічнага завода, начальнікам аддзела аховы працы, прамысловай бяспекі і тэхнічнага нагляду, намеснікам галоўнага інжынера па прамысловай бяспецы, ахове працы і навакольнага асяроддзя, старшынёй пярвічнай прафсаюзнай арганізацыі адкрытага акцыянернага таварыства «Магілёўхімвалакно»^[1].

Член Камуністычнай партыі Беларусі, член рэспубліканскага грамадскага аб’яднання «Белая Русь»^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Магілёўскай-Прамысловай акругі № 87. Член Пастаяннай камісіі па працы і сацыяльных пытаннях^[1].

Узнагароджаны ганаровымі граматамі Міністэрства прыродных рэсурсаў і навакольнага асяроддзя Рэспублікі Беларусь, Магілёўскага абласнога савета Белхімпрафсаюза, ганаровым знакам «За заслугі перад прафсаюзам»^[1].

Жанаты, мае дваіх дзяцей.

• Біяграфія на сайце Палаты прадстаўнікоў Нацыянальнага сходу Рэспублікі Беларусь