Уладзімір Рыгоравіч Скацецкі

Уладзімір Рыгоравіч Скаце́цкі^[1] (18 красавіка 1935 — 23 чэрвеня 2008) — вучоны, матэматык і педагог, доктар педагагічных навук (1996), прафесар (1997).

Нарадзіўся ў пасёлку Ратамка (сучасны аграгарадок у Мінскім раёне Мінскай вобласці Беларусі). У 1959 годзе скончыў механіка-матэматычны факультэт Беларускага дзяржаўнага ўніверсітэта. З 1959 года асістэнт кафедры вышэйшай матэматыкі Беларускага інстытута механізацыі сельскай гаспадаркі^[2]. З 1964 года прафесар кафедры агульнай матэматыкі і інфарматыкі Беларускага дзяржаўнага ўніверсітэта^[2]. Скончыў аспірантуру пры Інстытуце матэматыкі Акадэміі навук БССР^[2]. У 1967 годзе абараніў кандыдацкую дысертацыю на ступень кандыдата фізіка-матэматычных навук.

Аўтар навуковых прац па дыдактыцы матэматыкі, навукова-тэарэтычных асновах методыкі навучання матэматыцы на факультэтах нематэматычнага профілю. Аўтар падручнікаў для вышэйшых навучальных устаноў.

Сярод апублікаваных прац:

• Построение и исследование решений двумерных линейных дифференциальных систем. — Мн., 1967.
• К одной теореме Б. П. Демидовича. // Дифференц. уравнения, 1975, том 11, № 5, С. 835—840.
• Математическое моделирование физико-химических процессов. — Мн., 1981.
• Лекции по математике для студентов химических специальностей. — Мн., 2000.
• Математические методы в химии: учебное пособие для студентов вузов / Скатецкий В. Г., Свиридов Д. В., Яшкин В. И. — Мн.: ТетраСистемс, 2006. — 368 с. — ISBN 985-470-434-3

• Бараноўскі П. М. Скацецкі Уладзімір Рыгоравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 451. — 10 000 экз. — ISBN 985-11-0035-8. — ISBN 985-11-0238-5 (т. 14).

• Скацецкі Уладзімір Рыгоравіч на сайце анлайн-энцыклапедыі «Беларусь у асобах і падзеях»
• Вучоныя Беларусі. Скатецкі, Уладзімір Рыгоравіч (доктар педагагічных навук; кандыдат фізіка-матэматычных навук; 1935—2008) // Нацыянальная бібліятэка Беларусі