Уладзіслаў Дыбоўскі

Уладзіслаў Дыбоўскі
Дата нараджэння	18 красавіка 1838(1838-04-18)
Месца нараджэння	Адамарын[d], Вілейскі павет, Мінская губерня, Расійская імперыя
Дата смерці	27 ліпеня 1910(1910-07-27) (72 гады)
Месца смерці	Войнава[d], Любчанская воласць[d], Навагрудскі павет, Мінская губерня, Расійская імперыя
Месца пахавання	Войнава[d]
Грамадзянства	Расійская імперыя Польшча
Бацька	Ян Дыбоўскі[d]
Род дзейнасці	заолаг, батанік, палеантолаг, мінералог, фалькларыст, біёлаг
Навуковая сфера	біялогія[1], заалогія[1] і палеанталогія[1]
Месца працы	Імператарскі Дэрпцкі ўніверсітэт
Альма-матар	Дэрпцкі ўніверсітэт (1862)
Медыяфайлы на Вікісховішчы

Уладзіслаў Іванавіч Дыбоўскі (18 красавіка 1838, маёнтак Адамарын, Вілейскі павет, цяпер Валожынскі раён — 27 ліпеня 1910) — расійскі, беларускі і польскі заолаг, батанік, палеантолаг, мінералог і фалькларыст. Доктар мінералагічных навук (1878). Брат Бенедыкта Дыбоўскага.

З сярэднезаможнага шляхецкага роду Дыбоўскіх Менскага павету былога Вялікага Княства Літоўскга. Нарадзіўся ў былым маёнтку Адамарын Вілейскага павета Мінскай губерні.

Скончыў у 1862 годзе Дэрпцкі ўніверсітэт. За ўдзел у паўстанні 1863—1864 гадоў прыгавораны да зняволення. 3 1871 года працаваў у Дэрпцкім універсітэце. У 1878 годзе пераехаў на Навагрудчыну. Даследаваў выкапнёвыя рэшткі Усходняй Прыбалтыкі, Сібіры, флору і фаўну Навагрудскага павета і іншых частак Расійскай імперыі.

Збіраў беларускі фальклор. У штогодніку «Zbiór Wiadomości do Antropologii Krajowej» («Зборнік паведамленняў па айчыннай антрапалогіі») апублікаваў «Беларускія прыказкі з Навагрудскага павета» (т. 5, 1881, 768 тэкстаў)^[2], «Беларускія загадкі з Мінскай губерні» (т. 10, 1886, 112 тэкстаў)^[3].

Памёр 27 ліпеня 1910 года. Пахаваны ў Войнаве (былы фальварак на тэрыторыі сучаснага Навагрудскага раёна).

• Studien über die Spongien des Russischen Reiches mit besonderer Berücksichtigung der Spongienfauna des Baikalsees (Petersburg, 1880),
• Monographie der Spongilla sibirica (Dorpat, 1884),
• Die Gasteropoden Fauna du Baicalsees (Petersburg, 1875),
• Supplement a la faune des Mollusques du lac Baical (Petersburg, 1909).

• Арт. «Беларускія прыказкі з Навагрудскага павета» (1881)
• Арт. «Беларускія загадкі з Мінскай губерні» (1886)

• Дыбоўскі Уладзіслаў // Мысліцелі і асветнікі Беларусі: Энцыкл. даведнік / Беларус. Энцыкл.; Гал. рэд. «Беларус. Энцыкл.»: Б. І. Сачанка (гал. рэд) і інш.; Маст. Э. Э. Жакевіч. — Мн.: БелЭн, 1995.
• Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 527 с. — 10 000 экз. — ISBN 985-11-0041-2.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

• На Вікісховішчы ёсць медыяфайлы па тэме Уладзіслаў Дыбоўскі