Усевалад Пятровіч Радзько

Усевалад Пятровіч Радзько
Усевалад Пятровіч Радзько
Дата нараджэння	24 студзеня 1937
Месца нараджэння	Шклоў, Шклоўскі раён, БССР, СССР;
Дата смерці	1 снежня 2021 (84 гады)
Грамадзянства	СССР; Беларусь;
Род дзейнасці	фізік
Навуковая сфера	фізіка
Месца працы	Беларуска-Расійскі ўніверсітэт; ТДУ; Інстытут прыкладной оптыкі НАН Беларусі; Інстытут фізікі імя Б. І. Сцяпанава НАН Беларусі; Гомельскі дзяржаўны ўніверсітэт імя Францыска Скарыны;
Навуковая ступень	доктар фізіка-матэматычных навук (1985) і член-карэспандэнт НАН Беларусі (1996)
Навуковае званне	прафесар;
Альма-матар	ТДУ;
Прэміі

Біяграфія

Нарадзіўся ў горадзе Шклоў (Магілёўская вобласць, Беларусь). У 1962 годзе скончыў фізічны факультэт Томскага дзяржаўнага ўніверсітэта і пачаў працу ў ім. У 1971 годзе абараніў кандыдацкую дысертацыю. З 1972 года займаў пасады старшага навуковага супрацоўніка, вучонага сакратара, з 1976 года загадчыка лабараторыі, з 1987 года намесніка дырэктара Магілёўскага аддзялення Інстытута фізікі акадэміі навук БССР. У 1992—2002 гадах дырэктар, з 2002 года галоўны навуковы супрацоўнік Інстытута прыкладной оптыкі Нацыянальнай акадэміі навук Беларусі^[3]. Адначасова выкладаў у Гомельскім дзяржаўным універсітэце і Магілёўскім машынабудаўнічым інстытуце^[4]. З 2005 года прафесар Беларуска-Расійскага ўніверсітэта.

Навуковыя працы ў галіне інтэгральнай оптыкі, фізікі паўправаднікоў, па методыках і тэхналогіі стварэння кампазіцыйных асяроддзяў і суперструктур для оптаэлектронікі і інш. Прапанаваў і даследаваў новы клас планарных аптычных хваляводаў, названых гамагеннымі^[3]. Аўтар больш за 140 навуковых прац, у тым ліку манаграфіі, 26 вынаходстваў^[3].

Сярод апублікаванага:

Введение в интегральную оптику. — Мн.: Наука и техника, 1975 (разам з А. М. Ганчарэнкам);
Кинетика процесса формирования планарных волноводов в стеклах электродиффузией серебра // Физика и химия стекла. 1986. Т.12, № 6.;
Квантово-размерные структуры селенид кадмия / полимер, изготовленные методом вакуумного испарения (разам з А. С. Барбіцкім і А. І. Вайцянковым) // Письма в ЖТФ. 1996. Т.22, вып.13.

Дзяржаўная прэмія БССР 1984 года за цыкл прац «Планарныя аптычныя хваляводы», апублікаваных у 1967—1983 гадах^[4].

Радзько Усевалад Пятровіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 221. — 10 000 экз. — ISBN 985-11-0035-8. — ISBN 985-11-0216-4 (т. 13).
Петрусевіч, А. Бацькоўскі край — Шклоўшчына // Ударны фронт (Шклоў). — 2003. — 26 красавіка. — С. 2.