Усць-Куломскі раён

Усць-Куломскі раён
Усць-Куломскі раён
	Герб[d]
Краіна	Расія;
Уваходзіць у	Рэспубліка Комі;
Адміністрацыйны цэнтр	Усць-Кулом;
Дата ўтварэння	1929
Насельніцтва	▼21 766 чал. (2024);
Плошча	26 400 км²;
Часавы пояс	MSD і UTC+03:00
Афіцыйны сайт
	Медыяфайлы на Вікісховішчы

Усць-Куломскі раён (руск.: Усть-Куломский район, комі: Кулöмдін район) — муніцыпальнае ўтварэнне і адміністрацыйна-тэрытарыяльная адзінка ў рэспубліцы Комі, Расія.

Геаграфія

Раён размешчаны на поўдні Комі. Мяжуе з Корткераскім, Саснагорскім, Троіцка-Пячорскім, а таксама з гарадской акругай Ухта рэспублікі Комі, Чардынскім і Гайнскім раёнамі Пермскага края. Плошча раёна складае 26.200 км². На тэрыторыі раёна працякаюць рэкі Вычагда, Нем, Вясляна, Лоп’я і Пільва.

Гісторыя

Першыя згадкі аб населеных пунктах на месцы раёну адносяцца да XVII стагоддзя — узгадваюцца паселішчы Аныб, Усць-Кулом, Усць-Нем, Дзеравянск, Кужба і Мыелдзіна.

У XVIII стагоддзі ўладамі Расійскай імперыі была арганізавана праца па злучэнні Волжскага і Паўночнадзвінскага рачных басейнаў. Канал быў адкрыты ў 1813 годзе.

Раён утвораны 15 ліпеня 1929 года ў складзе тагачаснай Аўтаномнай вобласці Комі (Зыран).

Дэмаграфія

Насельніцтва раёна складае 29 856 чалавек, прыкладна 80 % з якога складаюць комі. Большасць вернікаў — праваслаўныя.

Адміністрацыйнае ўладкаванне

У склад раёна ўваходзяць 22 сельскія паселішчы.

Назва	Адміністрацыйны цэнтр
Аныбскае с/п	с. Аныб
Вольдзінскае с/п	с. Вольдзіна
Усць-Куломскае с/п	п. Усць-Кулом
Усць-Немскае с/п	с. Усць-Нем
Дзіясёр’інскае с/п	п. Дзіясёр’я
Дзеравянскае с/п	с. Дзеравянск
Дзёльскае с/п	с. Дзёль
Донскае с/п	с. Дон
Зімстанскае с/п	п. Зімстан
Кебаньельскае с/п	п. Кебаньель
Керчам’інскае с/п	с. Керчам’я
Крутаборскае с/п	п. Крутаборка
Кужбінскае с/п	с. Кужба
Мыелдзінскае с/п	с. Мыелдзіна
Ніжневоцкае с/п	с. Ніжні Воч
Носімскае с/п	с. Носім
Парчаўскае с/п	с. Парч
Пажогскае с/п	с. Пажог
Памоздзінскае с/п	с. Памоздзіна
Ручаўскае с/п	с. Руч
Цімшэрскае с/п	п. Цімшэр
Югыд’яскае с/п	п. Югыд’яг

Транспарт

У раёне маюцца аўтадарогі мясцовага ўзроўню, якія звязваюць адміністрацыйны цэнтр Усць-Кулом з навакольнымі паселішчамі і суседнімі раёнамі Комі. Аўтамабільныя зносіны з Пермскім краем адсутнічаюць.