Фрэні Шнайдэр

Фрэні Шнайдэр
Агульная інфармацыя
Пол	жанчына
Імя пры нараджэнні	ням.: Verena Schneider
Спецыялізацыя	гарналыжны спорт[2]
Нарадзілася	26 лістапада 1964(1964-11-26)[1] (60 гадоў) Elm[d], Glarus Süd[d], кантон Гларус, Швейцарыя
Грамадзянства	Швейцарыя
Афіцыйны сайт (ням.)
Медыяфайлы на Вікісховішчы

Ферэна «Фрэні» Шнайдэр (ням.: Verena «Vreni» Schneider, нар. 26 лістапада 1964, Эльм, Швейцарыя) — швейцарская гарналыжніца, трохразовая алімпійская чэмпіёнка (1988 — слалам і гіганцкі слалам, 19 бронзавы (гіганцкі слалам) прызёр Алімпіяды 1994 года, трохразовая чэмпіёнка і трохразовая ўладальніца Кубка свету (1989, 1994, 1995). Сцяганосец зборнай Швейцарыі на зімовых Алімпійскіх гульнях 1992 года.

Адна з шасці гарналыжніц у гісторыі, хто выйграваў Кубак свету ў агульным заліку не менш за 3 разы. Акрамя Шнайдэр — гэта Аннемары Мозер-Проль (6), Ліндсі Вон (4), Мікаэла Шыфрын (4), Петра Кронбергер (3) і Яніца Касцеліч (3).

У 1986—1995 гадах атрымала 55 перамог на этапах Кубка свету (20 — гіганцкі слалам, 34 — слалам, 1 — камбінацыя). Па гэтым паказчыку займае чацвёртае месца сярод усіх гарналыжніц пасля Мікаэлы Шыфрын, Ліндсі Вон і Аннемары Мозер-Проль. Па перамогах у гіганцкім слаламе займае другое месца ў гісторыі жаночага Кубка свету, саступаючы толькі Шыфрын. У сезоне 1988/89 Шнайдэр атрымала 14 перамог на кубкавых этапах, што было рэкордам у гарналыжным спорце, як сярод жанчын, так і сярод мужчын.

Пяць разоў прызнавалася лепшай спартсменкай Швейцарыі (1988, 1989, 1991, 1994, 1995), а ў 2000 годзе была абрана «Лепшай спартсменкай Швейцарыі XX стагоддзя».

Завяршыла спартыўную кар’еру ў 1995 годзе.

• На Вікісховішчы ёсць медыяфайлы па тэме Фрэні Шнайдэр