Фёдар Іванавіч Махаўцоў

Фёдар Іванавіч Махаўцоў
Фёдар Іванавіч Махаўцоў
Дата нараджэння	19 верасня 1917
Месца нараджэння	Гомель, Гомельскі павет, Магілёўская губерня, Расійская рэспубліка;
Дата смерці	5 жніўня 1988 (70 гадоў)
Грамадзянства	СССР;
Род дзейнасці	мастак
Жанр	графіка, акварэль і партрэт
Вучоба	Адэскае мастацкае вучылішча імя М. Б. Грэкава[d];
Член у	Саюз мастакоў СССР;
Узнагароды

Фёдар Іванавіч Махаўцоў (19 верасня 1917, Гомель — 5 жніўня 1988) — беларускі мастак, графік.

Біяграфія

Нарадзіўся 19 верасня 1917 года ў Гомелі.

Вучыўся ў Адэскім мастацкім вучылішчы (1938—1941)^[1].

Жыў і працаваў у Гомелі, удзельнічаў у мастацкім афармленні горада да святочных мерапрыемстваў^[2].

Член Саюза мастакоў СССР^[3].

Памёр 5 жніўня 1988 года^[4].

Творчасць

З 1946 года ўдзельнічаў у рэспубліканскіх выстаўках. Акрамя станковай графікі, працаваў таксама ў жанры акварэльнага пейзажу. Яго пейзажы прысвечаны Гомелю і Гомельшчыне, рачным прасторам Сожа, жыццю партовых працаўнікоў (1957—1970). Асноўныя творы — серыя работ, выкананых у тэхніцы малюнка, прысвечаных працаўнікам Гомельскага паравознага дэпо (1945), партрэты герояў Сацыялістычнай Працы, чыгуначнікаў, машыністаў, кавалёў, фармоўшчыкаў, слесараў (1950—1953). У шэрагу партрэтаў мастак адлюстраваў людзей калгаснага сяла: «Настаўнік», «Калгасны вартаўнік» (1955), «Малады калгаснік» (1956) і інш^[1].

Зноскі

Літаратура

Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1986. — Т. 3. Карчма — Найгрыш. — С. 672. — 751 с. — 10 000 экз.