Фёдар Андрэевіч Тулаў

Фёдар Андрэевіч Тулаў
Дата нараджэння	1792[1][2]
Месца нараджэння	Расія
Дата смерці	2 лістапада 1855(1855-11-02)[3]
Месца смерці	Прапойск, Прапойская воласць[d], Быхаўскі павет, Магілёўская губерня, Расійская імперыя
Месца пахавання	Слаўгарад
Грамадзянства	Расійская імперыя
Род дзейнасці	іканапісец
Жанр	партрэт
Медыяфайлы на Вікісховішчы

Фёдар Андрэевіч Тулаў (1792 — 2 лістапада 1855) — рускі мастак, майстар партрэта, пісаў таксама карціны для цэркваў.

Прыгонны мастак, пазней атрымаў вольную. Аб пачатковым перыядзе жыцця мастака звесткі адсутнічаюць. Адна з самых ранніх работ мастака датуецца 1811 годам («Партрэт Канстанціна Тулава», ДРМ). Пісаў з пачатку 1810-х гадоў партрэты членаў сям’і князя М. А. Шахоўскага ў іх маёнтку Белая Колпь Валакаламскага павета Калужскай губерні, а таксама блізкіх ім людзей. З 1830-х жыў і працаваў у Прапойску (цяпер Слаўгарад), у маёнтку А. І. Бенкендорфа, стрыечнага брата графа А. Х. Бенкендорфа. Меў ад Акадэміі мастацтваў званне мастака XIV класа. Вядома, што мастак захапляўся механікай і астраноміяй. У 1852 г. наведаў Санкт-Пецярбург.

Усяго да гэтага часу вядома больш за 60 партрэтаў Тулава, якія захоўваюцца ў Дзяржаўным Эрмітажы, Рускім музеі, Траццякоўскай галерэі, Гістарычным музеі, Калужскім мастацкім музеі, Смаленскім музеі-запаведніку, музеях Беларусі і Украіны.

Пахаваны на гарадскіх прыхадскіх могілках Прапойска^[4].

• Костельников, И. Г. Ф. А. Тулов — малоизвестный русский портретист первой половины XIX в. // Памятники культуры: Новые открытия. Ежегодник 1980. — Л.. 1981.
• Тулаў Фёдар Андрэевіч // Беларуская энцыклапедыя: у 18 т. / рэдактар Г. П. Пашкоў. — Мінск, 2003. — Т. 16. — С. 24.
• Тулаў Фёдар Андрэевіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8. — С. 538.
• Бобко М. Р. Новые сведения о семье художника Ф. А. Тулова (руск.)

Памылка Lua у Модуль:External_links на радку 45: assign to undeclared variable 'link'.