Фізаліс

Фізаліс
Фізаліс перуанскі (Physalis peruviana)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Паслёнавыя Падсямейства:  Паслёнавыя Трыба:  Physaleae Падтрыба:  Physalinae Род:  Фізаліс
Міжнародная навуковая назва
Physalis L., Sp. Pl. 1: 182 (1753)
Сістэматыка на Віківідах Выявы на Вікісховішчы ITIS   30587 NCBI   24663 EOL   38332 IPNI   329952-2 FW   97714

Фізалі́с, Махунка^[1] (Physalis) — род кветкавых раслін сямейства Паслёнавыя (Solanaceae).

Назва паходзіць ад грэч. φυσαλίς, ці «пузыр», што добра характарызуе пузырападобную чашачку (ліхтарык), у якой схаваны плод.

Аднагадовыя і шматгадовыя травяністыя расліны з прамастойнымі або ряспасцёртымі сцёбламі вышынёй 20—100 см. Лісце яйцападобна-авальнае, суцэльнае. Кветкі белыя ці жаўтаватыя, з цёмна-фіялетавымі плямамі, дробныя, на паніклых кветаножках, у суквецці звіліна. Плод — ягада, замкнёная ў пухірападобную чашачку (ліхтарык).

Адрозніваецца каля 100 відаў. Пашыраны ў тропіках і субтропіках, пераважна ў Амерыцы. У культуры 3 віды: мексіканскі тамат, ці фізаліс ліпкаплодны (Physalis philadelphica), фізаліс перуанскі, ці перуанская вішня (Physalis peruviana) і фізаліс сунічны, ці апушаны (Physalis pubescens). На тэрыторыі Беларусі фізаліс звычайны (Physalis alkekengi) як заносны від трапляецца на звалках, каля жылля.

Некаторыя віды культывуюцца як дэкаратыўныя і гароднінныя расліны. Плады культурных відаў спажываюць у ежу. Лекавыя расліны.

• Прохараў В. М. Фізаліс // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).

• Физалис: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Физалис // ИАС «ООПТ России» (руск.)
• Род Физалис — Physalis // Экологический центр «Экосистема»™ (руск.)