Фізічная антрапалогія

Фізічная антрапалогія, або біялагічная антрапалогія - галіна біялогіі, якая вывучае паходжанне і эвалюцыю фізічнай арганізацыі чалавека.

Тэрмін "антрапалогія" узнік у Старажытнай Грэцыі, дзе першапачаткова азначаў сукупнае вывучэнне чалавека і яго цела пераважна ў медыцынскіх мэтах. Аднак пазней набыў значэнне даследавання духоўнага свету. У кан. XVIII - XIX ст. зноў адрадзілася цікавасць да вывучэння фізічных уласцівасцяў чалавека, у першую чаргу чалавечых рас. Спрэчкі аб расавых адрозненнях людзей мелі важнае значэнне ў грамадскіх дыскусіях аб адмене рабства, эвалюцыйным вучэнні і развіцці сацыялогіі і гісторыі.

Як навука і самастойная галіна біялогіі склалася да кан. XIX ст.

• Палеантрапалогія - вывучэнне антрапагенезу праз выкапнёвыя сведчанні эвалюцыі чалавека.
  • Палеапаталогія - даследаванне чалавечых хвароб у старажытнасці.
• Біялогія чалавека - комплекснае вывучэнне арганізма чалавека, а таксама развіцця, здароўя, асаблівасцяў сілкавання і генетыкі чалавечых папуляцый.
• Экалогія чалавека - даследаванне адаптацыі чалавека да навакольнага асяроддзя, асаблівасцяў яго антагенезу, размнажэння, фізіялогіі і генетыкі.
• Судовая (медыцынская) антрапалогія - аналіз і ідэнтыфікацыя чалавечых рэштак у юрыдычных мэтах, рэканструкцыя падзей, звязаных са смерцю чалавека.

Фізічная антрапалогія абапіраецца на шэраг практычных метадаў і напрамкаў даследавання чалавека, у тым ліку на антрапаметрыю (вымярэнне чалавечага цела), аданталогію, малекулярную біялогію, якая аналізуе генетыку і асаблівасці чалавечага арганізму на малекулярным узроўні, асцеалогію (вывучэнне костак і шкілета чалавека), нейрабіялогію, неўралогію, біяхімію, а таксама метады і дадзеныя іншых навуковых дысцыплін (палеанталогія, фізіка, хімія, гісторыя, археалогія, сацыяльна-культурная антрапалогія і г. д.).

• Восточные славяне. Антропология и этническая история. / Под ред. Алексеевой Т.И. - М.:Научный мир, 2002
• Тегако Л. И. Антропология Белорусского Полесья: Демография этн. история и генетика. / Лидия Ивановна Тегако , Алексей Игнатьевич Микулич , Инесса Иванова Саливон , Татьяна Ивановна Алексеева. - Мн.: Наука и техника, 1978
• Микулич А. Генография сельского населения Белоруссии. - Мн.: Наука и техника, 1989
• Микулич А. Беларусы в генетическом пространстве (антропология этноса). // Предыстория беларусов с древнейших времен до XIII века / Cоставление, перевод, научное редактирование А. Е. Тараса / - Минск: Харвест, 2010. – С. 96-182

• МАРФІНА В. У. Палеаантрапалагічныя знаходкі – важная крыніца гістарычнай інфармацыі аб старажытных папуляцыях чалавека Архівавана 16 лістапада 2011.
• Антрапалогія беларусаў
• Ці было жыццё нашых продкаў "райскім"?(недаступная спасылка)
• Якім будзе беларус будучыні?(недаступная спасылка)
• Фізічная Антрапалогія. Ілюстраваны тлумачальны слоўнік Архівавана 17 сакавіка 2013.
• Адзін з лепшых англамоўных рэсурсаў для навучэнцаў і тых, хто навучае
• Афіцыйны сайт польскага міжнароднага часопіса Anthropological Review Архівавана 18 чэрвеня 2013.