Хасэ Рыкельмэ

Хасэ Рыкельмэ
Дата нараджэння	31 жніўня 1880(1880-08-31)[1] ці 30 жніўня 1880(1880-08-30)[2]
Месца нараджэння	Тарагона, Тараганес[d], правінцыя Тарагона, Каталонія, Іспанія[2]
Дата смерці	28 студзеня 1972(1972-01-28)[1][2] (91 год)
Месца смерці	XVII акруга Парыжа, Парыж, рэгіён Іль-дэ-Франс, Метраполія Францыі, Францыя[2]
Месца пахавання	Пер-Лашэз
Грамадзянства	Іспанія
Прыналежнасць	Каралеўства Іспанія[d] і Другая Іспанская Рэспубліка[d]
Род войскаў	Сухапутныя войскі Іспаніі[d] і Народная армія Іспанскай Рэспублікі
Званне	general de división[d]
Бітвы/войны	грамадзянская вайна ў Іспаніі Рыфская вайна
Узнагароды і званні
Медыяфайлы на Вікісховішчы

Хасэ Рыкельмэ-і-Лопес-Бага (ісп.: José Riquelme y López-Bago; 31 жніўня 1880 — 28 студзеня 1972) — іспанскі ваенны дзеяч, удзельнік Рыфскай вайны і грамадзянскай вайны ў Іспаніі.

Ваенную кар’еру пачаў у чэрвені 1897 года. Значную частку сваёй службы правёў у іспанскім пратэктараце Марока. На 1921 год даслужыўся да звання палкоўніка і стаў начальнікам туземнай паліцыі.

У гады Рыфскай вайны ўдзельнічаў у адваяванні Тэтуана.

У 1929 годзе стаў членам Ваеннага суда, які судзіў Хасэ Санчэса Гера, што ўзначаліў паўстанне артылерыстаў у Сьюдад-Рэале. За апраўданне лідара мяцежнікаў Рыкельмэ пераведзены ў запас.

Пры абвяшчэнні Другой рэспублікі ў красавіку 1931 года вернуты ў армію і атрымаў званне дывізійнага генерала. Рыкельмэ прызначылі камандуючым III ваеннай акругі ў Валенсіі, потым II у Севільі^[3]. Пры ваенным міністры Гіль-Роблесе звольнены ў запас як прыхільнік левых^[4].

У пачатку грамадзянскай вайны ў 1936 годзе падтрымаў урад Народнага фронту. Узначаліў I ваенную акругу. Камандаваў урадавымі войскамі ў баях за Алькасар і пад Гвадарамай^[5], прыпыніў наступленне праціўніка ў Эстрэмадуры^[6]. У пачатку верасня яго войскі пацярпелі сур’ёзную паразу ў бітве пры Талаверы, што прывяло да звальнення Рыкельмэ і судовага пераследу. Аднак у 1938 годзе ён быў апраўданы і вярнуўся на службу ў якасці каманданта Барселоны.

Пасля падзення Каталоніі ў 1939 годзе генерал адправіўся ў эміграцыю ў Францыю. Там ён быў членам вышэйшага праўлення Іспанскага нацыянальнага саюза^[7].

Памёр у Парыжы^[8]. Пахаваны на могілках Пер-Лашэз.

Быў двойчы жанаты: першы шлюб з Мілаграс Ахеда Варона^[9], другі — з Мануэлай Руіс Хуан^[10]. Ад першай жонкі ў яго было 2 дзяцей: сын Аўгуста^[11] і дачка Роза^[12]. Ад другой жонкі было 2 дачкі — Марыя Рыкельмэ Руіс^[13][8] і Марыя-Хасэ^[14].

Памылка Lua у Модуль:External_links на радку 45: assign to undeclared variable 'link'.