Хашд аль-Ашаіры

Хашд аль-Ашаіры
З'яўляецца часткай	Сілы народнай мабілізацыі
Рэлігійная прыналежнасць	суніты
Лідары	Тамер аль-Тамімі (намеснік)
Актыўная ў	Ірак
Саюзнікі	ЗША
Праціўнікі	ІДІЛ
Колькасць членаў	25 000 чалавек
Удзел у канфліктах	Грамадзянская вайна ў Іраку

Хашд аль-Ашаіры (араб. الحشد العشائري‎; бел.: Племянная мабілізацыя) — іракская суніцкая групоўка, створаная для барацьбы з ІДІЛ.

Арганізацыя дзейнічае ў складзе кааліцыі «Сілы народнай мабілізацыі»^[1]. Па пытаннях барацьбы з радыкаламі «Хашд аль-Ашаіры» супрацоўнічала не толькі з іншымі іракскімі апалчэннямі, але і з вайскоўцамі ЗША^[2].

У 2017 годзе намеснік кіраўніка ўзброенага фармавання Тамер аль-Тамімі заявіў у інтэрв’ю спадарожнікаваму каналу «Аль-Хівар», што суніцкія племянныя лідары краіны з недаверам ставяцца да арабскіх дзяржаў. Апалчэнцы прыйшлі да высновы, што яны не дапамогуць сунітам. Тым больш, што некаторыя з гэтых краін выкарыстоўваюць іх як інструмент для барацьбы за ўплыў у рэгіёне з Іранам. Як адзначыў прадстаўнік групоўкі, арганізацыя падавала шэрагу краін Персідскага заліва просьбу аб дапамозе ў супрацьстаянні ІДІЛ, але яны не адказвалі і не звярталі ніякай увагі на запыты^[3].

«Хашд аль-Ашаіры» ўдзельнічала ў шэрагу кампаній перыяду грамадзянскай вайны ў Іраку, як, напрыклад, баі за мухафазу Анбар (2015—2016)^[4] і бітва за Хавіджу (2017)^[5].

У складзе апалчэння знаходзяцца два падраздзяленні — брыгада вызвалення Хавіджы^[6] і брыгада аль-Хамза^[4].

• Спіс узброеных груповак грамадзянскай вайны ў Іраку (2011—2017)
• Сыны Ірака
• Савет выратавання Анбара