Хоцімскі гісторыка-краязнаўчы музей

Хоцімскі гісторыка-краязнаўчы музей
Заснаваны	30 жніўня 1996
Адкрыты	верасень 1998
Месцазнаходжанне	Хоцімск
Памеры фонду	275 экспанат
Выставачная плошча	216 м²
Адрас	213660, Магілёўская вобл., г.п. Хоцімск, вул. Дзяржынскага, 13а

Хоцімскі гісторыка-краязнаўчы музей — музей у Хоцімску, размешчаны ў гістарычным будынку XX ст. па адрасе вуліца Дзяржынскага, 15. Заснаваны 30 жніўня 1996 года. Адкрыты ў верасні 1998 года. Плошча экспазіцыі 216 м², 275 экспанатаў асноўнага фонду (2001).

Аддзелы:

• старажытнасць,
• гісторыя краю,
• этнаграфія,
• прырода,
• выставачная зала.

Сярод экспанатаў: каменныя прылады працы, фрагменты керамічнага посуду, знаходкі манет з курганных могільнікаў, вырабы майстроў ткацтва, саломапляцення, разьбы па дрэве канца 19—пачатку 20 ст., калекцыі народнага адзення краснапольскага строю. Таксама знаходзяцца матэрыялы пра падзеі грамадзянскай вайны 1918-20 гг., пра стварэнне і дзейнасць падполля і партызанскага руху ў Вялікую Айчынную вайну, пра землякоў — Герояў Савецкага Саюза: М. К. Піліпенку, Я. Я. Сусько і пра іншых выдатных людзей Хоцімшчыны.

У экспазіцыі — чучалы дзікіх жывёл і птушак рэгіёну.

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).