Свята-Пакроўская царква (Хоцімск)

Свята-Пакроўская царква
	Праваслаўны храм
Свята-Пакроўская царква
	53°24′23,80″ пн. ш. 32°35′28,60″ у. д.HGЯO
Краіна	Беларусь
Гарадскі пасёлак	Хоцімск
Канфесія	Праваслаўе
Епархія	Магілёўская і Мсціслаўская
Благачынне	Клімавіцкае
Архітэктурны стыль	народнае дойлідства
Дата пабудовы	1892 год
Статус	Гісторыка-культурная каштоўнасць Беларусі, шыфр 513Г000540шыфр 513Г000540
Стан	дзейнічае
Глобус Беларусі	globustut.by/hotimsk/ind…
	Медыяфайлы на Вікісховішчы

Свя́та-Пакро́ўская царква́ — драўляны праваслаўны храм у гарадскім пасёлку Хоцімску Магілёўскай вобласці. Знаходзіцца на вуліцы Першамайскай, на могілках.

Гісторыя

Пабудавана ў 1892 годзе з дрэва як могілкавая капліца. У савецкія часы царква была адзінай дзеючай у Хоцімску. У 1969 годзе да храма былі дабудаваны алтар і прытвор са званіцай^[1].

Настаяцелем царквы з 1958 года быў іерэй Кірыл Бадзіч, у цяперашні час гэтую пасаду займае іерэй Павел Сыцэвіч.

Архітэктура

Помнік народнага дойлідства. Вырашана працяглым прамавугольным зрубам, да якога далучаны квадратныя ў плане прытвор і апсіда. Дах над асноўным зрубам завершаны васьмігранным светлавым барабанам, прытвор — 1-яруснай чацверыковай шатровай званіцай з макаўкай. Гарызантальна ашаляваныя сцены расчлянёны прамавугольнымі аконнымі праёмамі, аздоблены ліштвамі з сандрыкамі. У дэкоры выкарыстана разьба па дрэве. Малітоўная зала двухсветлавая, перакрыта плоскай столлю, прасценкам вылучаны бабінец.

Зноскі

↑ Климовичское благочиние

Літаратура

Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4