Царква Святой Тройцы (Поразава)

Праваслаўны храм
Царква Святой Тройцы
52°56′14″ пн. ш. 24°21′53″ у. д.HGЯO
Краіна	Беларусь
Гарадскі пасёлак	Поразава
Канфесія	Праваслаўе
Епархія	Гродзенская і Ваўкавыская
Благачынне	Свіслацкае
Архітэктурны стыль	руска-візантыйская архітэктура
Дата пабудовы	1872 год
Стан	дзейнічае
Глобус Беларусі	globustut.by/porozovo/in…

Царква ў гонар Святой Троіцы — праваслаўны храм у г.п. Поразава Свіслацкага раёна Гродзенскай вобласці. Знаходзіца ў цэнтры вёскі.

Пабудавана ў 1872 годзе з цэглы на месцы царквы, якая згарэла ў 1868 годзе.^[1]

Помнік архітэктуры рэтраспектыўна-рускага стылю. Чатырохчасткавая аб’ёмна-прасторавая кампазіцыя складаецца з васьміграннай званіцы над кубападобным прытворам, кароткай трапезнай, папярочнай прамавугольнай у плане малітоўнай залы, пяціграннай апсіды з бакавымі рызніцамі. Двухсхідьны дах асноўнага аб’ёму завершаны па цэнтры цыбулепадобным купалам на васьмігранным барабане, па ўскрайках — макаўкамі. Макаўкамі завершаны вальмавы дах апсіды і шацёр званіцы. Тры ўваходы ў прытворы вырашаны калонкамі арачнымі парталамі, арачныя аконныя праёмы дэкарыраваны рустам.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Царква Святой Тройцы (Поразава) на сайце Глобус Беларусі (руск.)
• Царква Святой Тройцы (Поразава) на сайце Radzima.org