Цокаль Эдысана

Цокаль Эдысана — разьбовая сістэма хуткага злучэння электрычных лямпаў, распрацаваная Томасам Эдысанам у 1909. Пазначэнне Exx адпавядае дыяметру ў міліметрах, так цокаль E27 мае дыяметр 27 мм.

У ЗША стандартным з'яўляецца памер E26, таксама выкарыстоўваюцца цокалі E12 для свечкападобных лямпаў тыпу «мін'ён» і E10 у некаторых электрычных гірляндах. E17 таксама распаўсюджаны, асабліва ў некаторых настольных лямпах. У большасці краін, якія выкарыстоўваюць для бытавога электразабеспячэння напружанне 230—240 В, найбольш распаўсюджаны цокалі E27 і E14 (E27 — стандартны цокаль савецкіх і еўрапейскіх лямпачак 220В). Таксама часта выкарыстоўваюць г. зв. штыкавы ці баянетны раздым.

Цокалі большых памераў выкарыстоўваюцца для магутных лямпаў вулічнага асвятлення.

Тыпаразмеры цокаляў

Тып	Дыяметр, мм	Найменне	Код па IEC
E5	5 мм	Мікрацокаль (LES, Lilliput Edison Screw)	IEC 60061-1 (7004-25)
E10	10 мм	Мініяцюрны цокаль (MES, Miniature Edison Screw)	IEC 60061-1 (7004-22)
E12	12 мм	Люстравы цокаль(CES, Candelabra Edison Screw)	IEC 60061-1 (7004-28)
E14	14-17 мм	Цокаль лямпаў тыпу «мін'ён»^[1] (SES, Small Edison Screw)	IEC 60061-1 (7004-23)
E17 (110 У)	14-17 мм	Малы цокаль (SES)	IEC 60061-1 (7004-26)
E26 (110 У)	26-27 мм	Сярэдні цокаль (ES, Edison Screw)	IEC 60061-1 (7004-21A-2)
E27	26-27 мм	Сярэдні цокаль (ES)	IEC 60061-1 (7004-21)
E40	40 мм	Вялікі цокаль (GES, Giant Edison Screw)	IEC 60061-1 (7004-24)