Цывільнае будаўніцтва

Цывільнае будаўніцтва (цывільная інжынерыя, англ.: civil engineering) — галіна будаўніцтва, якая займаецца ўзвядзеннем будынкаў і збудаванняў цывільнага прызначэння.

Цывільнае будаўніцтва займаецца стварэннем аб’ектаў цывільнага прызначэння, такіх як масты, шашэйныя дарогі, чыгункі і вакзалы, хуткасныя сістэмы гарадскога транспарту, тунэлі, аэрапорты, прамысловыя прадпрыемствы  (англ.) (бел., жылыя дамы і адміністрацыйныя будынкі, гасцініцы, паркінгі, манументы, плаціны, прычалы, каналы, водныя шляхі, ірыгацыйныя сістэмы, вадаводы і ўстаноўкі для апрацоўкі вады, сістэмы перапрацоўкі смецця, прамысловых і камунальных сцёкавых вод, берагаўмацавальныя збудаванні, лініі электраперадач і да таго падобнае.

Патрэбы цывільнага будаўніцтва вымагаюць правядзення такіх даследаванняў, як вывучэнне ўласцівасцяў ужывальных матэрыялаў, асаблівасцяў мясцовасці, у тым ліку характарыстык глеб і розных гідраўлічных параметраў. Да вобласці цывільнага будаўніцтва прымыкаюць такія дысцыпліны, як архітэктура, ірыгацыя, транспарт, глебазнаўства, геадэзія, гідралогія, а таксама тэхналогія будаўніцтва ў розных умовах эксплуатацыі, уключаючы сейсманебяспечныя зоны.

Аб’екты, якія ўзводзяцца ў ходзе цывільнага будаўніцтва, могуць быць капітальнымі  (руск.) (бел. і часовымі. Да першых адносяцца ўсе будынкі і збудаванні, прадугледжаныя праектна-каштарыснай дакументацыяй і якія з’яўляюцца неад’емнай часткай будучага комплексу збудаванняў. Часовымі лічацца будынкі і збудаванні, пабудаваныя на час правядзення будаўніча-мантажных работ. Гэта могуць быць часовыя пад’язныя дарогі, бытавыя памяшканні і іншыя аб’екты, прызначаныя для стварэння неабходных умоў будаўнікам на ўвесь перыяд працы. Пасля заканчэння будаўніцтва часовыя аб’екты падлягаюць дэмантажу і прыбіраюцца з тэрыторыі.

• W.F. Chen; J.Y. Richard Liew, рэд-ры (2002). The Civil Engineering Handbook. CRC Press. ISBN 978-0-8493-0958-8.
• Jonathan T. Ricketts; M. Kent Loftin; Frederick S. Merritt, рэд-ры (2004). Standard handbook for civil engineers. McGraw Hill. ISBN 978-0-07-136473-7.
• Civil Engineering: a very short introduction. Oxford University Press. 2012. ISBN 978-0-19-957863-4.
• Structural Engineering: a very short introduction. Oxford University Press. 2014. ISBN 978-0-19-967193-9.
• Житлово-цивільне будівництво // Термінологічний словник-довідник з будівництва та архітектури / Р. А. Шмиг, В. М. Боярчук, І. М. Добрянський, В. М. Барабаш; за заг. ред. Р. А. Шмига. — Львів, 2010. — С. 92. — ISBN 978-966-7407-83-4.