Цімафей Цярэнцьевіч Рамашкін

Цімафей Цярэнцьевіч Рамашкін
Цімафей Цярэнцьевіч Рамашкін
Дата нараджэння	15 красавіка 1919
Месца нараджэння	Марчанкі, Гарадоцкі павет, Віцебская губерня, РСФСР;
Дата смерці	8 студзеня 1954 (34 гады)
Месца смерці	Талін, Эстонская ССР, СССР;
Месца пахавання	Талін;
Грамадзянства	Беларусь; СССР;
Прыналежнасць	СССР
Род войскаў	Грамадзянская авіяцыя
Гады службы	1938—1940, 1941—1954
Званне	Капітан ВПС СССР
Пасада	бортмеханік
Бітвы/войны	Савецка-фінляндская вайна, 1939—1940; Вялікая Айчынная вайна
	(пасмяротна)

Цімафей Цярэнцьевіч Рамашкін (15 красавіка 1919(1919-04-15), Марчанкі, Віцебская губерня — 8 студзеня 1954(1954-01-08), Талін) — лётчык, Герой Савецкага Саюза.

Біяграфія

Нарадзіўся 15 красавіка 1919 года ў в. Марчанкі Гарадоцкага павета Віцебскай губерні (цяпер — Гарадоцкі раён Віцебскай вобласці).

Працаваў на цагельным заводзе, жыў у Северадзвінску (РСФСР). У 1938 годзе скончыў Ленінградскі аэраклуб. У Чырвонай Арміі з 1938 года. Скончыў Ульянаўскую авіятэхнічную школу. Удзельнічаў у савецка-фінляндскай вайне 1939—1040 гг. Пасля звальнення ў запас у 1940 г. працаваў у грамадзянскай авіяцыі ў Ленінградзе. У Вялікую Айчынную вайну — удзельнік абароны Ленінграда. Пасля вайны працаваў у грамадзянскім паветраным флоце, старшы тэхнік-лейтэнант у эстонскім авіяпрадпрымстве.

8 студзеня 1954 года, калі самалёт Лі-2 выконваў рэйс Мінск — Талін — Ленінград^[1], у кабіну пілотаў уварваліся ўзброеныя бандыты, якія хацелі захапіць самалёт. Выкарыстаўшы момант, Ц. Ц. Рамашкін збіў аднаго бандыта з ног і абясшкодзіў яго, але сам быў смяротна паранены. Камандзір экіпажа і другі пілот абяззброілі другога бандыта. Пахаваны Рамашкін Ц. Ц. у Таліне. Званне Героя Савецкага Саюза прысвоена 25.11.1954 г.

Памяць

На ўшанаванне памяці Ц. Ц. Рамашкіна пастаўлены помнік каля Мінскага аэрапорта.
Помнік на радзіме Героя у в. Марчанкі^[2].

Зноскі

↑ 60 лет назад уроженец витебщины ценой собственной жизни предотвратил попытку первого в СССР угона самолета
↑ Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 289—690. — 894 с. — 2 500 экз. — ISBN 985-01-0546-1.

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Рамашкін Цімафей Цярэнцьевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 300. — 10 000 экз. — ISBN 985-11-0035-8. — ISBN 985-11-0216-4 (т. 13).
Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 289—690. — 894 с. — 2 500 экз. — ISBN 985-01-0546-1.