Чубатка пустая

Чубатка пустая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Макавыя Падсямейства:  Дымніцавыя Трыба:  Fumarieae Падтрыба:  Corydalinae Род:  Чубатка Від:  Чубатка пустая
Міжнародная навуковая назва
Corydalis cava (L.) Schweigg. & Körte, 1811
Сістэматыка на Віківідах Выявы на Вікісховішчы NCBI   581246 EOL   5104488 GRIN   t:11622 IPNI   672129-1 TPL   kew-2738568

Чубатка пустая (Corydalis cava) — від шматгадовых кветкавых раслін падсямейства Fumarioideae.

Вядома пад рознымі беларускімі назвамі: чубатка пустая, ці чубатка цыбульная, ці чубатка палявая, ці пятрушка, ці рутка лесавая белая.

Вырастае да вышыні 10-30 см. Цвіце ранняй вясной — заканчваюць вегетацыю да з’яўлення лісця ў дрэвавых парод. З спадзістага падземнага клубня вырастае кветканоснае сцябло з двума светла-зялёнымі двойчы трайчастымі лісткамі і гронкападобных верхавінным суквеццем.

Кветкі своеасаблівай будовы, з шпоркай. Калякветнік двайны, аднак чашачка рана ападае, пялёсткі чатыры, тычынкі дзве. Цвіце ў сакавіку — красавіку, апыляецца насякомымі з доўгімі хабаткамі. Афарбоўка кветак ад белых і крэмавых да пурпурна-фіялетавых і бэзавых.

Плод — струкападобная каробачка.

Цэніцца як ранневеснавы меданос і дэкаратыўная расліна. Ён можа ўпрыгожыць паркі, лесапаркі і сады. Расліну масава збіраюць у букеты, часта вырываючы разам з клубнем, што прыводзіць да яе знішчэння. Таму расліна мае патрэбу ў ахове. Але здараецца, што яна запаўняе шырокія плошчы сярод лесу.

Тыповая расліна цяністых шыракалістых лясоў. Часцей за ўсё яе можна ўбачыць у дубровах, расце і сярод хмызнякоў. Для свайго развіцця патрабуе шмат святла, з’яўляецца рана вясной, калі дрэвы яшчэ бязлісцевыя.

• https://web.archive.org/web/20100524172225/http://navesni.com.ua/article/print-65.html