Чэмпіянат Азербайджана па шахматах

Баку

Гарады правядзення

Чэмпіянат Азербайджана па шахматах — штогадовае спартыўнае спаборніцтва, якое ладзіцца Міністэрствам моладзі і спорту супольна з «Азербайджанскай федэрацыяй шахмат». З'яўляецца адборачным этапам да асабістага чэмпіянату Еўропы.

Проводится ежегодно с 1927 года. Официальный статус соревнование получило в 1934 году^[1][2].

Жаночыя чэмпіянаты праводзяцца з 1936 года, афіцыйна — з 1957 года^[1].

Праводзяцца таксама чэмпіянаты Азербайджана па рапіду і бліц.

На 2025 год дзейнічае наступны рэгламент.

Да чэмпіянату дапушчаюцца шахматысты, якія адпавядаюць наступным патрабаванням:

1. Члены зборнай Азербайджана па шахматах (5 месцаў)
2. Паўфіналісты чэмпіянату Азербайджана па шахматах
3. Шахматысты з самым высокім рэйтынгам ФІДЭ на снежань 2024 года (14 месцаў)
4. Шахматысты, якія паказалі самыя высокія вынікі (5 месцаў)

Адбор удзельнікаў праводзіцца прыярытэтна ад першага крытэрыю да чацвёртага.

Для ўдзелу ігракоў у чэмпіянаце праводзіцца рэгістрацыя. Гульцы падпісваюць дамову з Федэрацыяй шахмат Азербайджана на ўдзел у чэмпіянаце.

Чэмпіянат праводзіцца па алімпійскай сістэме (нок-аўт, які прайграў выбывае). Чэмпіянат складаецца з 5 тураў і праходзіць па правілах ФІДЭ.

Кожны тур складаецца з двух класічных партый (белымі і чорнымі) і ў выпадку роўнага рахунку — тай-брэйка.

Чэмпіянат пачынаецца са стадыі 1/16 фіналу. Дзеючы чэмпіён Азербайджана па шахматах і 5 шахматыстаў з самым высокім рэйтынгам пачынаюць чэмпіянат са стадыі 1/8 фіналу. На стадыі 1/8 фіналу яны дадаюцца да шахматыстаў, якія прайшлі стадыю 1/16 фіналу.

Тур праводзіцца за тры дні. У першы дзень — першая гульня, у другі — другая. У трэці — тай-брэйк.

Падчас партый на 40 хадоў адводзіцца 90 хвілін. Пасля 40-га ходу чорных на партыю даецца 30 хвілін. Нічыя не дазваляецца да 30-га ходу чорных, акрамя трохразовага паўтарэння пазіцыі ці пата.

На тай-брэйку гуляюць 2 партыі ў рапідзе. Час партыі — 25 хвілін.

Калі на тай-брэйку зафіксавана нічыя, гуляецца армагедон. Белым даецца 15 хвілін, чорным 10 хвілін. Белым для праходу ў наступны этап залічваецца толькі перамога. У выпадку нічые або перамогі чорных, у наступны этап праходзіць гулец, які гуляў чорнымі.

Чэмпіён Азербайджана становіцца членам зборнай Азербайджана па шахматах. Паўфіналісты атрымліваюць права прыняць удзел у Чэмпіянаце Еўропы па шахматах.

У ходзе спаборніцтваў гульнявую зону дапускаюцца толькі ігракі, суддзі і арганізацыйны персанал. Пранос з сабой тэлефонаў і іншай электроннай тэхнікі гульцамі ў гульнявую зону забаронены.

Пакіданне гульнявой зоны іграком дапускаецца толькі з дазволу галоўнага суддзі або аднаго з суддзяў. За парушэнне гэтага правіла суддзёй можа быць прызнана паражэнне гульца ў партыі.

Пасля заканчэння гульнявога дня гульцы запрашаюцца на аналіз партый.

Апеляцыйны камітэт складаецца з 5 членаў (3 пастаянных члена, 2 рэзервовых). Апеляцыі прымаюцца на працягу адной гадзіны пасля заканчэння гульні. Для падачы апеляцыі ўносіцца дэпазіт, які вяртаецца ў выпадку задавальнення апеляцыі.

• Шахматы ў Азербайджане
• Азербайджанская федэрацыя шахмат
• Зборная Азербайджана па шахматах

• Рэгламент чэмпіянату 2025 (азерб.)
• Азербайджанская федэрацыя шахмат (азерб.) (англ.)