Чэрвеньскі рынак

Чэрвеньскі рынак у Лошыцы
Чэрвеньскі рынак у Лошыцы
Тып	унітарнае прадпрыемства
Краіна	Беларусь;
Размяшчэнне	Беларусь, Мінск, вул. Маякоўскага, д.184
Адрас	Беларусь;
Галіна	Гандаль
Матчына кампанія	ТАА «НямігаЭкспартБуд»
Сайт	chervenrynok.by

Чэрвеньскі рынак — рынак, размешчаны ў Ленінскім раёне Мінска. Назва рынка паходзіць ад назвы горада Чэрвень.

Знаходзіцца на скрыжаванні завулка Маякоўскага і Навасельскай вуліцы па адрасе: г. Мінск, вул. Маякоўскага, 184. Плошча рынку складае 1,7 га, колькасць гандлёвых павільёнаў каля 700.

На тэрыторыі Чэрвеньскага рынку размешчана лабараторыя ветэрынарна-санітарнай экспертызы.

Гісторыя

Рынак створаны ў 1891 годзе на скрыжаванні Аранскай вуліцы і Ігуменскага тракту гарадскім галавой Мінска Каралем Чапскім і меў назву Ігуменскі рынак у гонар горада Ігумен, у накірунку якога ішоў гасцінец, што месціўся каля рынку.

Пасля перайменавання ў 1923 годзе Ігумена ў Чэрвень рынак таксама быў перайменаваны і атрымаў назву Чэрвеньскі рынак.

1 лютага 2013 года Чэрвеньскі рынак быў закрыты. 2 красавіка 2013 года рынак аднавіў працу на новай пляцоўцы ў раёне завулка Маякоўскага^[1]. На старым месцы Чэрвеньскага рынку прадугледжвалася будаўніцтва шматфункцыянальнага грамадска-дзелавога і гандлёва-забаўляльнага комплексу^[2].