Чэслаў Бянькоўскі

Чэ́слаў Бянько́ўскі (польск.: Czesław Bieńkowski, таксама вядомы як Вячаслаў Вікенцьевіч Бянькоўскі; 24 мая 1937 — 1 красавіка 2018, Мінск) — беларускі навуковец і грамадскі дзеяч польскага паходжання, кіраўнік і адзін з заснавальнікаў Вышэйшай школы гуманітарных навук у Мінску, дацэнт БДУ, доктар, старшыня Польскага навуковага таварыства^[1]. Рэктар польска-амерыканскага ўніверсітэта WSB-NLU^[2].

Акрамя працы на факультэце гісторыі Беларускага дзяржаўнага універсітэта з 1990-х гг. Ч. Бянькоўскі актыўна ўдзельнічаў у польскім нацыянальным руху Беларусі. Узначальваў мінскае аддзяленне Саюза палякаў на Беларусі У 1993 г. уваходзіў у кіраўніцтва партыі «Польскае дэмакратычнае аб’яднанне^[3]».

Разам з гісторыкам Зыгмунтам Барадыным ён удзельнічаў у стварэнні ў 1992 г. Польскага народнага універсітэта ў Мінску^[4]. А ў 2001 г. ён быў дырэктарам Польскай вышэйшай гуманітарнай школы ў Мінску^[5]. Узначальваў Польскае навуковае таварыства.

• Agnieszka Grędzik-Radziak. Oświata i szkolnictwo polskie na ziemiach północno-wschodnich II Rzeczypospolitej i współczesnej Białorusi 1939—2001 — Toruń: Europejskie Centrum Edukacyjne, 2007. — 441 с.