Шарль Дзюлен

Шарль Дзюлен
фр.: Charles Dullin
Дата нараджэння	8 мая 1885(1885-05-08)[1][2]
Месца нараджэння	Yenne[d], canton of Yenne[d], Шамберы[d], Савоя, Францыя
Дата смерці	11 снежня 1949(1949-12-11)[1][3][…] (64 гады)
Месца смерці	Saint-Antoine Hospital[d], XII акруга Парыжа, Парыж, Парыж[d], рэгіён Іль-дэ-Франс, Метраполія Францыі, Францыя[4]
Месца пахавання	Crécy-la-Chapelle[d][5]
Грамадзянства	Францыя
Прафесія	кінаакцёр, тэатральны рэжысёр, акцёр, тэатральны акцёр
IMDb	ID 0241348
Медыяфайлы на Вікісховішчы

Шарль Дзюлен (фр.: Charles Dullin; 8 мая 1885, Ен, Савоя — 11 снежня 1949, Парыж) — французскі акцёр і тэатральны рэжысёр.

Шарль Дзюлен вучыўся ў семінарыі; затым, жывучы ў Ліёне, спрабаваў сябе ў розных прафесіях — ад прыганятага да памагатага судовага выканаўцы. У 1905 годзе прыехаў у Парыж, дзе спачатку выступаў з вершаванымі дэкламацыямі ў невялікім тэатры «Спрытны трусік», удзельнічаў таксама ў п’есах. У 1907 годзе малады артыст пазнаёміўся з Андрэ Антуанам і па яго прапанове перайшоў у тэатр «Адэон». Дзюлен шмат чаму навучыўся ў Антуана, які тады быў лепшым тэатральным рэжысёрам Францыі.

У 1909 годзе Дзюлен паступіў у трупу «Тэатра мастацтваў». У 1911 годзе ён сыграў сваю першую значную ролю — Смярдзякова ў інсцэніроўцы «Братоў Карамазавых», зробленай Жакам Капо і Жанам Круэ, якую паставіў рэжысёр Андрэ Дзюрэк. У 1913 годзе Копа стварае «Тэатр Старой Галубятні», і Дзюлен граў у ім у «Братах Карамазавых». Тут ён знайшоў і іншую выдатную сваю ролю — Гарпагона ў мальераўскім «Скупым», якую будзе гуляць затым усё жыццё.

У 1919—1921 гадах Дзюлен граў у тэатры Гастона Баці, а ў 1922 годзе адкрыў свой уласны тэатр «Атэлье», які ўзначальвў да 1940 года, перадаўшы затым у кіраванне свайму вучню Андрэ Барсаку.