Эладэя канадская

Эладэя канадская
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Жабнікавыя Падсямейства:  Anacharidoideae Род:  Эладэя Від:  Эладэя канадская
Міжнародная навуковая назва
Elodea canadensis Michx. (1803)
Сінонімы
Anacharis canadensis (Michx.) Planch.
Сістэматыка на Віківідах Выявы на Вікісховішчы ITIS   38937 NCBI   100364 EOL   1089138 IPNI   90075-2 TPL   kew-309448

Эладэ́я канадская, Вадзяная зараза^[1] (Elodea canadensis) — від раслін роду Эладэя (Elodea) сямейства Жабнікавыя.

Шматгадовыя травяністыя расліны, апушчаныя ў ваду. Сцёблы доўгія, галінастыя. Лісце падоўжнае, празрыстае, сабранае пераважна ў кальчакі. Жаночыя кветкі адзіночныя, дробныя, на доўгіх кветаножках. Мужчынскія кветкі амаль сядзячыя. Размнажаецца насеннем і вегетатыўна. Расліна на спецыяльных парастках у вегетатыўны перыяд утварае пупышкі і маладое лісце і апускаецца на дно вадаёма, дзе знаходзіцца да пачатку наступнага вегетатыўнага перыяду.

Радзімай эладэі канадскай з'яўляецца Паўночная Амерыка. У сярэдзіне 19 стагоддзя расліна была занесена ў Еўропу, адкуль пашырылася ў Азію, Аўстралію і Афрыку. Хутка размнажаючыся вегетатыўна, расліна запаўняе вадаёмы і перашкаджае суднаходству і рыбалоўству, за што атрымала назвы «вадзяная чума» і «вадзяная зараза».

Зялёную масу раслін выкарыстоўваюць на корм і ў якасці ўгнаення. Вырошчваецца ў акварыумах.

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 81. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

• На Вікісховішчы ёсць медыяфайлы па тэме Эладэя канадская
• Элодея канадская — Elodea canadensis: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Элодея (руск.) // Праект «Уся Біялогія»
• Elodea canadensis на сайце Encyclopedia of Life (англ.)
• Элодея (водяная чума) (руск.)