Эльза Лаўла Рэнберг

Эльза Лаўла Рэнберг
Эльза Лаўла Рэнберг
	шведск.: Elsa Laula Renberg
Дата нараджэння	29 лістапада 1877
Месца нараджэння	Storseleby[d], Вільгельміна, лен Вестэрботэн, Швецыя;
Дата смерці	22 ліпеня 1931 (53 гады)
Месца смерці	Brønnøy Municipality[d], Нурлан, Нарвегія;
Пахаванне	Dolstad Church[d];
Грамадзянства	Нарвегія;
Род дзейнасці	аленявод, палітык
	Медыяфайлы на Вікісховішчы

Эльза Лаўла Рэнберг (29 лістапада 1877(1877-11-29), Storseleby^[d] — 22 ліпеня 1931(1931-07-22), Brønnøy Municipality^[d], Нурлан) — саамская актывістка, палітык.

Біяграфія

Нарадзілася 29 лістапада 1877 года ў сям’і аленяводаў Ларса Томасона Лаула і Крысціны Жазэфіны Ларсдотэр і вырасла паблізу пасёлка Дзіканеса. Пасля атрымання ў Стакгольме спецыяльнасці акушэркі, вярнулася ў родны пасёлак.

У 1904 годзе напісала і апублікавала на шведскай мове памфлет «Сутыкаемся мы з жыццём ці смерцю? Словы праўды пра саамскую сітуацыю» («Infor lif eller död? Sanningsord i de Lappska förhållandena»), што зрабіла яе першай саамскай жанчынай, якая апублікавала ўласнае сачыненне^[1]. У працы закраналіся актуальныя для саамаў пытанні адукацыі, правы голасу, валодання зямлёй, што абудзіла палітычную і сацыяльную актыўнасць саамскага насельніцтва.

Ініцыявала вялікую саамскую сустрэчу, якая адбылася 6 лютага 1917 года ў Тронхейме (Нарвегія) — цяпер гэты дзень адзначаецца як Міжнародны дзень саамаў.

Памерла 22 ліпеня 1931 года ад туберкулёзу.

Крыніцы

↑ Seurujärvi-Kari, Irja. Ale jaskkot eatnigiella : alkuperäiskansaliikkeen ja saamen kielen merkitys saamelaisten identiteetille (Ph.D.). — University of Helsinki, 2012.