Эўтаназія

Эўтаназія (радзей эйтаназія) (грэч.: ευ-«добры» θάνατος «смерць») — практыка спынення (або скарачэння) жыцця чалавека, які пакутуе невылечным захворваннем, цярпіць невыносныя пакуты, задавальненне просьбы без медыцынскіх паказанняў у бязбольнай ці мінімальна балючай форме з мэтай спынення пакут. Пярэчыць клятве Гіпакрата.

«Кароткі Оксфардскі слоўнік» дае тры значэнні словы «эўтаназія»: першае — «спакойная і лёгкая смерць», другое — «сродкі для гэтага», трэцяе — «дзеянні для яе ажыццяўлення».

Tэрмін «эўтаназія» выкарыстоўваецца таксама ў дачыненні да ўсыплення лабараторных і бадзяжных жывёл.

У асноўным разглядаюць некалькі відаў эўтаназіі^[1][2]:

• Добраахвотная – пацыент дае згоду на правядзенне працэдуры.
• Нядобраахвотная – згоду пацыента немагчыма атрымаць.
• Прымусовая – супраць волі пацыента.
• Пасіўная – адмова ад лячэння ці тэрапіі, неабходных для падтрымання жыцця.
• Актыўная – прымяненне смяротных рэчываў для спынення жыцця.

Эўтаназія з'яўляецца дыскусійнай тэмай у грамадстве, пры гэтым штогод павялічваецца колькасць краін, у якіх яна становіцца законнай. Сярод іх Нідэрланды, Бельгія, Люксембург, Калумбія, Канада, Іспанія, Новая Зеландыя, Эквадор, Швейцарыя^[3][4][5].

У Беларусі эўтаназія забаронена Законам «Аб ахове здароўе». У артыкуле 31 таксама адзначаецца, што "асоба, якая свядома заахвоціла іншую асобу да эўтаназіі і (ці) здзейсніла эўтаназію, нясе адказнасць у адпаведнасці з заканадаўчымі актамі^[6].

• Біяэтыка
• Праграма забойства Т-4
• Самагубства
• Кайсяку
• Марфалагічная свабода
• Эўтаназія жывёл
• Эўтаназійны турызм
• Джэк Кеваркян