Юльяна Пятрэнка

Юльяна Пятрэнка
Юльяна Пятрэнка
Род дзейнасці	пісьменнік, сурдапедагог
Дата нараджэння	13 снежня 1981 (43 гады)
Месца нараджэння	Жгунь, Жгунскі сельсавет, Добрушскі раён, Гомельская вобласць, БССР, СССР;
Месца працы	Гомельскі дзяржаўны медыцынскі ўніверсітэт;
Альма-матар	БДПУ;
Узнагароды і прэміі	Гран-пры Першага абласнога форуму маладых літаратараў Гомельшчыны, літаратурная прэмія імя К. Тураўскага (намінацыя «Адкрыццё году»)

Ю́лія Віта́льеўна Пятрэ́нка, псеўданім Юльяна Пятрэнка (нар. 13 снежня 1981, Жгунь Добрушскага раёна Гомельскай вобласці) — пісьменніца, сурдапедагог.

Біяграфія

Расла на бабуліных казках, што значны адбілася на яе творчасці.

Скончыла Беларускі дзяржаўны педагагічны ўніверсітэт імя Максіма Танка ў Мінску. Працавала ў школе для дзяцей з парушэннямі слыху, у садку, у цэнтральнай бібліятэцы Гомеля. Цяпер працуе ў Гомельскім дзяржаўным медыцынскім універсітэце, займаецца сакратарскімі паслугамі і паслугамі па перакладу.

Творчасць

Друкавалася ў часопісах «Маладосць», «Полымя», «Нёман», літаратурным альманаху «Літаратурная Гомельшчына» і іншых. Уладальнік Гран-пры Першага абласнога форуму маладых літаратараў Гомельшчыны, прысвечанага 500-годдзю беларускага кнігадрукавання. Па выніках конкурсу Гомельскім абласным аддзяленнем ГА «Саюз пісьменнікаў Беларусі» выдадзена першая кніга прозы Юліі Пятрэнка «Авяльга». У 2017 годзе выйшаў празаічны зборнік апавяданняў «На досвітку», які быў адзначаны абласной літаратурнай прэміяй імя Кірыла Тураўскага. У 2020 годзе выйшаў раман «Харунжы. Verbera ventorum».

Літаратура

Літаратурна-мастацкі часопіс «Дзеяслоў» № 4 (83) (ліпень-жнівень) 2016. — С.126.
«Юліяніны байкі» // «Маладосць» № 32.
На досвітку: апавяданні / Юлія Пятрэнка. — Мазыр: Калор, 2017. — 188 с.
Харунжы. Verbera ventorum: раман / Юльяна Пятрэнка. — Мінск: Кнігазбор, 2020. — 228 с. — (Бібліятэка Саюза беларускіх пісьменнікаў «Кнігарня пісьменніка»; Пункт адліку).