Януш Алендскі (сын Станіслава)

Януш Алендскі
Равіч
Смерць	1580
Род	Алендскія
Бацька	Станіслаў Алендскі
Жонка	Ганна з Трызнаў[d][1][2]
Дзеці	Крыштаф Алендскі
Веравызнанне	кальвінізм

Януш Алендскі (? — 1580) — вялікалітоўскі дзяржаўны дзеяч.

Паходзіў са шляхецкага роду Алендскіх герба «Равіч», другі сын мельніцкага войскага Станіслава, брат Крыштафа, апекун малых дзяцей апошняга. Пачынальнік кальвінскай галіны роду, якая пражывала ў Вялікім Княстве Літоўскім.

Цівун платэльскі ў Жамойцкай зямлі (1540), староста браньскі (1565). Ленны ўладальнік маёнтка Хрустаў з фальваркамі Яманты, Калонна і Лапеніца, дамоў і пляцаў у Ваўкавыску. У 1574 годзе набыў ад князя Шчаснага Яраславіча і Лізаветы з Хадкевічаў Галоўчынскіх маёнтак Мачульна ў Ваўкавыскім павеце.

Жанаты з Ганнай Рыгораўнай з Трызнаў, пакінуў сыноў Яна (пам. 1614, нашчадкаў не пакінуў) і Крыштафа, а таксама дачку Кацярыну.

• Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 22. — 696 с. — ISBN 978-985-11-0487-7 (т. 3), ISBN 985-11-0315-2.

Памылка Lua у Модуль:External_links на радку 45: assign to undeclared variable 'link'.

1. ↑ Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 626.
   <a href="https://wikidata.org/wiki/Track:Q125352562"></a>
2. ↑ С. Любимовъ Опытъ историческихъ родословій : Гундоровы, Жижемскіе, Несвицкіе, Сибирскіе, Зотовы и Остерманы — СПб.: 1915. — С. 17. — 108 с.
   <a href="https://wikidata.org/wiki/Track:Q15071431"></a><a href="https://wikidata.org/wiki/Track:Q133750003"></a>