Яснотка белая

Яснотка белая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Ясноткавыя Род:  Яснотка Від:  Яснотка белая
Міжнародная навуковая назва
Lamium album L., 1753
Сінонімы
Lamium brachyodon (Bordz.) Kuprian. Lamium capitatum Sm. Lamium dumeticola Klokov Lamium hyrcanicum A.P.Khokhr. Lamium niveum Rchb.f. nom. illeg. Lamium parietariifolium Benth. Lamium sempervirens A.P.Khokhr. Lamium transcaucasicum A.P.Khokhr. Lamium turkestanicum Kuprian. Lamium vulgatum Benth.
Сістэматыка на Віківідах Выявы на Вікісховішчы ITIS   32538 NCBI   53159 EOL   579590 GRIN   t:314991 IPNI   448792-1 TPL   kew-107372

Яснотка белая, глухая крапіва (Lamium album) — травяністая расліна сямейства ясноткавых.

Лісты па фор­ме падобныя з лістамі кра­півы, але не жыгу­чыя (адсюль другая назва). Народныя назвы: шанта, белая крапіва, мядоўнік.

Шматгадовая расліна з паўзучым доўгім карэнішчам. Сцябло вышынёй 30-70 см, прамастойнае, 4-граннае, простае або галінастае, разам з лісцем укрыта рэдкімі белаватымі валаскамі. Лісце супраціўнае, сэрцападобна-авальнае, завостранае, па краі пілаватае. Кветкі белыя, сядзячыя па 6-12 у пазухах верхняга лісця (ніжняя губа венчыка каля асновы з зеленаватымі крапінкамі). Чашачка трубчаста-званочкападобная, з 5 амаль аднолькавымі зубцамі. Венчык двухгубы. Плод — арэшак.

Пашырана ва ўмераным поясе Еўразіі, інтрадукавана ў Паўночнай Амерыцы. Трапляецца ў населеных месцах, на пустэчы, сметніках, у садах, парках.

Размнажаецца насеннем, узнаўляецца карэнішчамі. На Беларусі цвіце ў маі-верасні.

Лекавая расліна. Маладое лісце ядомае. У садоўніцтве часам выкарыстоўваецца стракаталістая форма.

• Кудрашова М. Г. Яснотка // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.