200-я партызанская брыгада імя К. К. Ракасоўскага

200-я партызанская брыгада імя К. К. Ракасоўскага
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Мінскае партызанскае злучэнне
Тып	партызаны
Функцыя	змаганне з акупантамі
Колькасць	1187 партызан (04.07.1944)
Дыслакацыя	Дзяржынскі раён
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	М. Ю. Баранаў

200-я партызанская брыгада імя К. К. Ракасоўскага — партызанская брыгада, створаная ў жніўні 1943 года на базе атрадаў «25 гадоў Кастрычніка» і імя Фурманава, вылучаных 300-й партызанскай брыгадай імя К. Я. Варашылава. Дзейнічала на акупіраванай тэрыторыі Дзяржынсага раёна. 4 ліпеня 1944 года брыгада (1187 партызан, 4 атрады) злучылася з Чырвонай Арміяй. Партызану Марату Казею было прысвоена званне Героя Савецкага Саюза.

• атрад «25 гадоў Кастрычніка»;
• атрад імя Фурманава;
• атрад імя Чкалава;
• атрад імя Дзяржынскага.

• М. Ю. Баранаў

• П. Р. Мартысюк

• І. Ф. Ягораў

Партызаны разам з брыгадамі 300-й імя Варашылава і 27-й імя Чапаева ў снежні 1943 года разбілі нямецкую аўтакалону на шашы Мінск — Слуцк каля вёскі Цялякава Уздзенскага раёна; на чыгунцы Мінск — Баранавічы ўзрывалі эшалоны; 6—7 ліпеня 1944 года каля вёскі Станькава Дзяржынскага раёна разам з часцямі Чырвонай Арміі ўдзельнічалі ў разгроме нямецкіх войск, якія прарываліся з акружэння.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.