Партрэт Міхаіла V Казіміра Радзівіла Рыбанькі (копія з карціны Аўгусціна Мірыса)

	Партрэт Міхаіла V Казіміра Радзівіла Рыбанькі. ХІХ стагоддзе
Матэрыял	Палатно, алей
Памеры	71 × 54 см
	Нацыянальны мастацкі музей Рэспублікі Беларусь, Мінск
	(інв. ЗЖ 226. НММ РБ)

«Партрэт Міхаіла V Казіміра Радзівіла Рыбанькі» — карціна са збораў Нясвіжскага замка, копія ХІХ стагоддзя з партрэта, напісанага Аўгусцінам Мірысам^[pl]. Захоўваецца ў калекцыі Нацыянальнага мастацкага музея Рэспублікі Беларусь (інв. ЗЖ 226. НММ РБ). Памер карціны — 71 × 54 см^[1].

Партрэт адлюстроўвае Міхаіла V Казіміра Радзівіла Рыбаньку. Да 1939 г. у калекцыі князёў Радзівілаў у Нясвіжы. Захоўваўся ў Вялікай сталовай зале (былой Гетманскай) у паўднёвай галерэі. Пасля 1939 г. трапіў у Мінск. У 1944 г. вывезены ў Германію, спачатку ў Гёхштэт^[de] (№ 598/133), пазней перавезены амерыканскімі прадстаўнікамі ў Мюнхен (№ 14542/133). 17 мая 1949 года перавезены ў Вісбадэн. Паступіў пасля рэстытуцыі з Германіі ў Дзяржаўны мастацкі музей БССР у 1957 г. ад ДМВП (інв. № 82)^[1].

Зноскі

↑ ^а ^б Лёс фамільных скарбаў магнацкіх родаў Беларусі : зборнік матэрыялаў Міжнароднай навуковай канферэнцыі «Лёс фамільных скарбаў магнацкіх родаў Беларусі» (Нясвіж, 10 лістапада 2020 г.) і Міжнароднага навуковага семінара «Крыпта князёў Радзівілаў у Нясвіжы: гісторыя, сучасны стан, даследаванні, перспектывы выкарыстання» (Нясвіж, 4 кастрычніка 2019 г.)/ уклад. У. У. Караленак, С. М. Клімаў. — Нясвіж : Нацыянальны гісторыка-культурны музей-запаведнік «Нясвіж», 2020. 380 с. [16] л. іл.: іл. ISBN 978-985-904-826-5.