គណបក្សកុម្មុយនីស្តចិន

គណបក្សកុម្មុយនីស្តចិន
គណបក្សកុម្មុយនីស្តចិន; 中国共产党; Zhōngguó Gòngchǎndǎng
អក្សរកាត់	គកច ឬ បកច
ស្ថាបនិក	ឆិន ឌូស៊ីវ; លី តាចាវ
អគ្គលេខាធិការបក្ស	ស៊ី ជីនពីង
គណៈកម្មាធិការអចិន្ត្រៃយ៍	ស៊ី ជីនពីង; លី ខឹឈាង; លី ចាងស៊ូ; វ៉ាង យ៉ាង; វ៉ាង ហ៊ូនីង; ចាវ លឺជី; ហាន ចឹង;
បាវចនា	为人民服务; "បម្រើប្រជាពលរដ្ឋ"
បង្កើត	១ កក្កដា ១៩២១ (ផ្លូវការ); ២៣ កក្កដា ១៩២១ (ប្រជុំសមាជជាតិលើកទីមួយ)
ទីស្នាក់ការកណ្ដាល	ចុងណានហៃ, ប៉េកាំង
សារព័តមាន	ពលរដ្ឋប្រចាំថ្ងៃ (人民日报)
ស្លាបយុវជន	សម្ព័ន្ធយុវជនកុម្មុយនីស្តចិន
ការិយាល័យស្រាវជ្រាវ	ការិយាល័យស្រាវជ្រាវគោលនយោបាយកណ្តាល
ស្លាបយោធា	កងទ័ពរំដោះប្រជាជន; នគរបាលប្រដាប់អាវុធប្រជាជន; កងជីវពលចិន
ស្លាបពលកម្ម	សហព័ន្ធសហជីពចិនរួម
សមាជិកភាព (២០២១)	៩៥,១៤៨,០០០
មនោគមវិជ្ជា	សង្គមនិយមលក្ខណៈចិន • កុម្មុយនីស្តនិយម ; • ម៉ាក្ស–លេនីននិយម ; • គោលគំនិតម៉ៅសេទុង ; • ទ្រឹស្តីតេងសៀវពីង ; • បីតំណាងនិយម ; • ទស្សនវិស័យវិទ្យាសាស្ត្រលើការអភិវឌ្ឍ ; • គោលគំនិតស៊ីជីនពីង ; ស្នេហាជាតិសង្គមនិយម; ជាតិនិយមចិន;
ទំនាក់ទំនងជាតិ	រណសិរ្សរួបរួមជាតិ
ទំនាក់ទំនងអន្តរជាតិ	កិច្ចប្រជុំនៃគណបក្សកុម្មុយនីស្តនិងបក្សពលករអន្តរជាតិ
សមាជជាតិប្រជាជន (ទី១៣)	២០៩៥ / ២៩៨០ (70%)
គណៈកម្មធិការអចិន្ត្រៃយ៍ សជប	១១៨ / ១៧៥ (67%)
គេហទំព័រ
	cpc.people.com.cn
ទង់គណបក្ស
	នយោបាយនៅចិន; គណបក្សនយោបាយ; ការបោះឆ្នោត

គណបក្សកុម្មុយនីស្តចិន (ចិន៖ 中国共产党, ភិងអ៊ិង៖ Zhōngguó Gòngchǎndǎng), អាចហៅបានថា បក្សកុម្មុយនីស្តចិន គឺជាគណបក្សនយោបាយកាន់អំណាចតែមួយគត់នៅសាធារណរដ្ឋប្រជាមានិតចិន។ បក្សកុម្មុយនីស្តចិនគឺជាគណបក្សនយោបាយនាំមុខនៃគណបក្សនយោបាយស្របច្បាប់ចំនួន ៨ ផ្សេងទៀតដែលរួមគ្នាបង្កើតបានជារណសិរ្សបង្រួបបង្រួម។ គណបក្សនេះត្រូវបានបង្កើតឡើងនៅក្នុងឆ្នាំ១៩២១ ដោយលោកឆិន ឌូស៊ីវ និងលោកលី តាចាវ។ ក្រោយពីមក បក្សមួយនេះបានទទួលនូវប្រជាប្រិយភាពយ៉ាងខ្លាំងសម្បើមពីសំណាក់ប្រជាជនចិនហើយនៅឆ្នាំ១៩៤៩ បក្សកុម្មុយនីស្តចិនក៏បានទទួលជោគជ័យក្នុងការវាយបណ្តេញរដ្ឋាភិបាលជាតិនិយមគួមីនតាងចេញពីចិនដីគោកទៅកោះតៃវ៉ាន់។ នៅថ្ងៃទី១ ខែតុលា ឆ្នាំ១៩៤៩ សាធារណរដ្ឋប្រជាមានិតចិនក៏បានប្រកាសបង្កើតឡើងដោយមានបក្សកុម្មុយនីស្តនេះជារដ្ឋាភិបាលដឹកនាំ។

កងទ័ពរំដោះប្រជាជន (ករប) គឺជាស្លាបយោធានិងត្រូវគ្រប់គ្រងដឹកនាំដោយគណបក្សនេះផ្ទាល់។^[៤]

ក្រោមការដឹកនាំរបស់បក្សមួយនេះ ប្រទេសចិនត្រូវបានគេសម្តៅលើថាជារដ្ឋឯកបក្ស ម៉ាក្ស–លេនីននិយម ផ្តាច់ការ។^[៥]^[៦] គណបក្សនេះបានរៀបចំជាផ្លូវការដោយឈរលើមូលដ្ឋាននៃមជ្ឈិមនិយមប្រជាធិបតេយ្យ ដែលជាគោលការណ៍បង្កើតឡើងដោយលោកវ្លាឌីមៀរ លេនីនដោយគោលការណ៍នេះតម្រូវឱ្យបក្សមានការពិភាក្សាបើកចំហអំពីគោលនយោបាយណាមួយក្រោមលក្ខខណ្ឌថាសមាជិកបក្សទាំងអស់ត្រូវយល់ស្របគ្នាមុននឹងសម្រេចសេចក្តីអ្វីមួយ។^[៧]^[៨]