Кочкор-Ата

Кочкор-Ата
Өлкө	[[ Кыргызстан]]
Облус	[[ Жалал-Абад облусу]]
Координаттар	41°02′09″ с. ш. 72°28′53″ в. д.HGЯO
Мэр	Нарматов Азамат Жумаевич .
	Тарыхы жана Географиясы
Негизделген күнү	1952
Биринчи белгиленген	1952
Мурунку аталышы	Новостройка
Аянты	4,85 км²
Борборунун бийиктиги	618 м
Убакыт аралыгы	UTC+6
	Калкы
Расмий тили	Кыргыз тили
Калкы	18 289 адам (2023)
Улуттук курамы	Кыргыз
Диний курамы	Ислам
	Сандык идентификаторлор
Телефон коду	+996 (3734)
Почта индекси	715622
Автоунаа коду	D,04
	Кочкор-Ата (Жер)

«Кочкор, Кочкор району» менен адаштырбаңыз.

Кочкор-Ата — Кыргызстандын Жалал-Абад облусунун Ноокен районундагы шаар.

ААББТ коду — 41703 215 600 01 0^[3].

Калкы ― 18 289 (2023).

Тарыхы

Кочкор-Ата шаары "Кыргызмунайгаз" кендерин казып алууга байланыштуу 1952-жылы курула баштаган, алгач «Новостройка» деп аталган. 1953—2003-жылдары шаарча; 2003-жылдын 1-июнунан тарта райондук деңгээлдеги шаар. 2003-жылы Аскар Акаевдин― ― Кыргызстандын мурдагы президентинин катышуусу менен шаар макамы берилген.

Географиясы

Шаардын жалпы аянты 485 га^[4]. Бабаш-Ата кырка тоосунун түштүк этегинде, Бишкек—Ош автоунаа жолунун боюнда деңиз деңгээлинен 618 м бийиктикте жайгашкан. Ноокен районунун борбору Масы айылынан 13 км батыш тарапта, темир жол бекетинен жана облустун борбору Жалал-Абад шаарынан 56 км. Өзбекстандын чек арасынан 16 км алыстыкта.

Экономикасы жана инфратүзүмү

Шаарга жакын жерден мунайгаз казып алынат, «Кыргызмунайгаз», «Кыргызгеофизика» (мунай-газ кендерин чалгындоо иштерин жүргүзөт). Пластмасса буюмдар, май зоводдору, «Кочкор-Ата» айыл курулуш, «Керамика» (кыш жана башка курулуш материалдарын чыгарат) акционердик коомдору иштейт. колледж, кесиптик-тех. окуу жайы, 4 орто мектеп, гимназия, маданият үйү, 1000 номерлүү байланыш бөлүмчөсү, оорукана, балдар консультациясы, ден соолукту калыбына келтирүүчү облустук оорукана, сквер, спорттук комплекс, стадион, чайкана, кафе, ресторан бар. Улуу Ата Мекендик согушта курман болгондорго эстелик тургузулган.