Албански сојуз

Албански сојуз (албански: Lidhja Shqiptare; LSH) — поранешна десничарска политичка партија во Македонија. Основана e на 28 ноември 2010 од страна на Ваљон Беља, водач на тогашната невладина Реалитети, која де факто станала и партија. Партијата го имала за цел кантонскиот модел на демократија.^[1] На промоцијата на партијата, Ваљони излегол со радикални залагања за промена на политичкиот систем и за кантонизација на Македонија. Неговите предлози биле Македонија да биде поделена на три кантони - едниот етничко чист албански, другиот македонски и третиот етнички мешан кантон. Но, според упатените, тоа било само обид партијата да привлече поголемо внимание и да се претстави како силен субјект.^[2] На 21 февруари 2011 година, партијата официлално се споила во ДПА на Мендух Тачи, со што формално и правно престанала да постои.^[2]