Александровска гробница41°58′47″N 25°44′17″E / 41.97972°N 25.73806°E  Александровска гробница ― тракиска могила и гробница ископана во близина на Александрово, Област Хасково, југоисточна Бугарија, датирана во ок. 4 век п.н.е. На 17 декември 2000 година гробницата била случајно откриена од машина за поместување на земја.[1] Ограбувачите потоа влегле во гробницата, оштетувајќи некои од нејзините фрески. Во 2001 година бугарскиот археолог Георги Китов го предводел спасувачкото ископување на гробницата, откривајќи тркалезна комора од околу 3 метри во дијаметар, достапно преку мала преткомора и тунел, приближно 6 метри долг. И предкомората и главната комора се украсени со добро сочувани фрески кои го одразуваат знаењето на уметникот за доцната класична и ранохеленистичка уметност.[2] Фреската во главната комора прикажува ловечка сцена каде што дива свиња е нападната од ловец на коњ и гол човек со двострана секира. Двостраната секира се толкува како претставување на кралската моќ,[1] голиот човек како претставник на Залмоксис,[3][4] тракискиот бог на Сонцето што одговара на Зевс.[3][4] Графитот во комората на кој е испишано тракиското име Коземасес го означува или благородниот патрон на гробницата[2] или неговиот уметник.[5] Александровската гробница е датирана на почетокот на 4 век п.н.е.[6] Ѕидните слики покажуваат промена во изгледот поради старогрчкото влијание.[6] На ѕидните слики исчезнале брадите, тетоважите, наметките, чизмите, капите, горните јазли.[6] Старогрчките обувки им ги заменуваат чизмите.[6] Гробницата можеби е трибалска.[7] Се забележуваат и други промени како Тракијците кои носат златни или бронзени марки околу вратот (обично три).[6] Галерија
Поврзано
Наводи
|
Portal di Ensiklopedia Dunia
