Бернардино Кабаљеро

Бернардино Кабаљеро
9 претседател на Парагвај
На должноста 1881–1886
Претходник	Кандидо Бареиро
Наследник	Патрисио Ескобар
Лични податоци
Роден(а)	20 мај 1839(1839-05-20) Ибикуј, Парагвај
Починал(а)	26 февруари 1912(1912-02-26) (возр. 72) Асунсион, Парагвај
Познат(а) по	основач на партијата Колорадо

Хуан Бернандино Кабаљеро де Ањаско и Мелгарехо (шпански: Juan Bernardino Caballero de Añasco y Melgarejo, 20 мај 1839, Ибикуј, Парагвај – 26 февруари 1912, Асунсион)^[1] — парагвајски воен ветеран од времето на Парагвајската војна, деветти претседател на Парагвај и основач на партијата Колорадо. Тој бил водечка политичка фигура во Парагвај од раниот поствоен период па сè до либералната револуција во 1904.

Кабаљеро е роден во Ибикуј. Тој е потомок на шпанско благородничко семејство, син на Хосе Кабаљеро де Аназко (наследник на Тупак Хуалпа) и неговата жена Мелкора Инес Мелгарехо и Генес. Тој бил женет двапати, еднаш со Марија де ла Консепсион Дијаз де Бедоја и вториот пат со Хулија Алварез. Тој имал две деца со првата жена, Рамон Кабаљеро де Бедоја и Мелкора Кабаљеро де Бедоја. Кабаљеро имал уште 90 вонбрачни деца, сите признати од него.

Кабаљеро се приклучил на редовите во Армијата на Парагвај во 1864 година и се борел во Парагвајската војна.^[2]:75 Тој учествувал во кампањата во Мато Гросо, а подоцна бил помошник на претседателот Франсиско Солано Лопес. Поради неговата лојалност и упорност, тој напредувал во воената каериера. Тој достигнал до чин генерал на коњаница. Тој бил жив воен херој кој го заробиле Бразилците на 8 април 1870 година во близина на реката Апа после битката на Серо Кора. Кабаљеро бил пуштен во мај 1871.^[3] За време на неговото заробеништво тој се спријателил со Бразилците, па така нивната понатамошна поддршка била важна за неговата политичка кариера.

• Warren, Harris G. (1985). Rebirth of the Paraguayan Republic: The First Colorado Era. University of Pittsburgh Press. стр. 51–61. ISBN 978-0-8229-3507-0.