Борботски манастир

Борботски манастир
Свети Ѓорѓи
Ιερά Μονή Ταξιαρχών Τσούκας
Богородица Небесна скала, фреска од XVIII век
40°12′56.92″N 21°1′50.39″E / 40.2158111°N 21.0306639°E / 40.2158111; 21.0306639
Место	Борботско, Костурско
Земја	Егејска Македонија, Грција
Вероисповед	Цариградска патријаршија
Архитектура
Културнонаследна категорија	споменик на културата
Завршена	1625
Управа
Архијерејско намесништво	Борботско
Епархија	Костурска

Борботски манастир „Св. Ѓорѓи“ (грчки: Μονή Αγίου Γεωργίου Επταχωρίου) — машки манастир во Костурско, Егејска Македонија.^[1] Влегува во состав на Костурската епархија на Цариградската патријаршија. Изворно ѝ припаѓал на Охридската архиепископија.

Манастирот е сместен во шумовита клисура на планината Горуша. Се наоѓа на територијата на Општина Нестрам, на 4 км југоисточно од селото Борботско. Основан е во втората половина на XVII век, по изградбата на црквата во 1625 г., што е обележано на ктиторскиот натпис. Во извесни периоди во османлиско време манастирот бил женски, но е урнат на крајот од XIX век. Во XX век во него спорадично се вселувале монаси, а управата е доверена на свештеник од Борботско.^[2] Параклисот „Воведение на пресв. Богородица“ и конаците се подигнати во 1881 г. Црквата е од светогорски тип, со две куполи и фрески.^[1]

До 1974 г. манастирот бил во состав на Шишанско-сачишката епархија, по што прешол под Костурската.^[1]

Во 1973 г. манастирската црква заедно со параклисот „Воведение на пресв. Богородица“ се прогласени за заштитен споменик на културата.^[3]

• Костурска епархија